Horma margotuak biltzen eta ikertzen aritu da Arrasateko ikerlari bat 2011tik hona
Josune Murgoitio ikertzailea Arrasateko eta Euskal Herriko hormetako pintaketak batzen aritu da 2011a ezkero. Horien esanahia eta erabilera sinbolikoa aztertu ditu, eta horri buruzko erakusketa jarriko du Kulturaten otsailaren 28tik martxoaren 24ra
Josune Murgoitio ikertzaile, kazetari eta idazle arrasatearrak 2016an Colores prohibidos lehen nobela kaleratu zuen, eta orain, Margotutako hormak liburuari forma ematen dabil. Azken obra horretan, Arrasateko eta Euskal Herriko paretetan ageri diren pintaketak dira protagonista, eta horiek ikusi ahalko dira datorren asteazkenean zabalduko den erakusketan. Murgoitioren arabera, ikuspegi antropologikoa du lanak. "Erakusketa hau ikerketa zientifiko batetik dator. Gizarte-antropologia ikuspegia du, baina baita memoria, bake eta giza eskubide ikuspegia ere".
Erakundeen babesa
Erakusketa antolatzeko, Geuz elkartearen laguntza izan du, Gizartea Eraldatzeko Unibertsitate Zentroarena. Baina Murgoitiok azaldu duenez, beste eragile batzuen babesa ere jaso du. "Hasiera batean, Gogora institutuarekin jarri nintzen harremanetan. Ostean, Gipuzkoako Foru Aldundira jo nuen, eta Olatu Talka programaren barruan babesa eman zidaten. Horrez gain, Geuz elkartearen bitartez, Eusko Jaurlaritzaren babesa jaso nuen, eta, azkenik, baita Arrasateko Udalarena ere. Otsailaren 28an 18:00etan egingo da irekiera ekitaldia Kulturaten, eta bertan, proiektua babestu duten erakundeetako ordezkariak izango dira.
Erakusketa, eta ostean liburua
Libururako batutako argazkiekin osatuko du erakusketa, baina oraindik ez du argitaratu. Irailean plazaratzea da asmoa, eta ostean, Durangoko Azokara eramango du. Honela definitu du Murgoitiok lan hori egitera bultzatu duen helburua: "Horma margotuak denbora luzez egon dira euskal lurraldean. Ikusi egin ditugu, haiei buruz hitz egiten entzun dugu, haien inguruan irakurri dugu, pertsona askok sentitu edo pairatu ere egin dituzte; alabaina, ez dira asko aztertu, ez esplikatu ere". Besteak beste, horma horien esanahia, balioa eta erabilera sinbolikoa ikusleekin lantzen ahaleginduko da erakusketa. Tailerrak Azken helburu hori lortzeko, bi tailer antolatu ditu, ondorengo egunetarako: martxoaren 10erako, goizez, eta martxoaren 15earako, arratsaldez. Izena emateko, info@geuz.es helbidera idatzi.
Albiste hau Goienak argitaratu du eta Creative Commons lizentziari esker ekarri dugu.
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Leioako XXIII. Umore Azoka ospatuko da datorren asteburuan. Arte eszenikoetako 43 konpainia eta 90 emanaldi izango dira ikusgai; tartean izango dira Euskal Herriko hamazazpi konpainia.
Lau horma irudi egingo dira aurten. Urtero hainbat artista gonbidatzea da udalaren asmoa. Artista bakoitzak hamar urteko bermea ematen du bere horma irudia bere horretan mantenduko dela ziurtatzeko.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Street Art Cities plataformak egiten duen sailkapenean, munduko hirugarren onena hautatu dute Ondarroako Kamiñazpin dagoen Lian muralgilearen lana.
Zerbitzu sekretuen alorrean erabili ohi diren OSINT teknikak erabiliko dituen enpresa bat kontratatzeko proiektua lizitaziora atera du Gasteizko Udalak, Arabako Alea-k jakitera eman duenez.
Igor Rezola Dizebi grafitigileak Donostia 2016 Europako Kultur Hiriburutzaren enkarguz egin zuen lana ezabatzea erabaki du Donostiako Udalak. "Kapitalismoa borrokatu" idatzi zuen Itsasondoko artistak, eta ondoren, "ismoa borrokatu" estali zuen horman... [+]
Azaroko gau hotz hauetan Gasteizko kaleak ez ditu ilargiak argitu, Umbra argi festibaleko ikuskizunek baizik. Argi gutxiko egun labur hauetan argien artearen munduan barneratzeko aukera eman digu jaialdiak, izan ere, ikusleek esparru horretako azken adierazpen artistiko eta... [+]
Autodidakta, kritikoa eta batere konformista. Materiala erosteko dirurik eduki ez arren hori ez da inoiz arazo izan. Hiri grisen pareta zuriak dohainik dira eta erakusleiho paregabea mezuak zabaltzeko. Espraia eskuan, espazio publikoaz jabetzen da eta ezarritako estereotipoei... [+]
Nexgraff grafitigileek amaitu dute Lazkao Txikiri eta euskarari eskainitako horma-irudia. Kolorez eta ikur sinbolikoz betetako muralak oihartzun handia izan du.
Herrian grafitiak egiteagatik ezarri diote zigorra. Martzek adierazpen askatasunaren eraso gisa ikusten du gertatutakoa eta esan du ez duela isuna ordainduko. Hainbat artistaren babesa jaso du.
Legediaren arabera, musikariek 75 metroko tartea izan beharko dute beraien artean, eta 20 metrokoa etxebizitzekiko. Beraz, artistak ezingo dira Donostiako Parte Zaharrean aritu.
Hondakin arriskutsuen zabortegi bat eraikitzeko proiektuak zatitu zituen Fanzara herri txikiko biztanleak. Ezinikusiak eta etsaitasunak gainditu eta komunitatea osatzen ahalegintzeko sortu zuten Arte Urbanoaren Museo Bukatugabea (MIAU, gaztelaniazko siglekin). Herriko hormak eta... [+]