Hordago! ekimena sortu dute Nafarroako zonifikazioa salatzeko
Nafarroan hegoalderago dagoen Cortes herrian aurkeztu dute Hordago! ekimena. Cortesko Adierazpena irakurri dute Kamila Guarin Peraltako bizilagunak eta Julian Vicente García Cortesko bizilagunak. Nafarroako hizkuntza zonifikazioa bertan behera uztea aldarrikatu dute.
Herri ekimenak adierazi du aurrerapausoak eman nahi dituela edozein nafarrek, edonon dagoela, eta edonon bizi dela, Nafarroa osoan euskara ezagutu eta erabiltzeko duen eskubidea praktikan jartzea eragozten duten oztopo guztiak kentzeko: “Zonifikazioa bidegabea zen duela lau hamarkada, eta orain, gainera, anakronikoa da”.
Foru erkidegoan hizkuntza eskubideen araberako hiru eremu banatuta izatea nafarren artean diskriminazio, desberdintasun eta desadostasun iturri dela esan dute Cortesko Adierazpenaren bidez. Nafarroa herritarren kohesioa sustatuko duen lurra izatea nahi dute, herritarrak hizkuntzaren arabera mailakatu gabe, eta hizkuntzen aniztasuna kontuan hartuko duena.
Azpimarratu dute euskara dakiten pertsonen kopurua txikiak izateak ez duela zilegitasunik ematen herritarren eskubideak urratzeko.
Bi hizkuntzek, gaztelaniak, eta euskarak, parez pare egon behar dutela aldarrikatu dute eta euskara Nafarroako nortasunaren parte berezkoa dela, ezin dela euskararik gabe Nafarroa ulertu eta Nafarroarik gabe euskara ulertu.
Dei egin die udalerri guztietako biztanleei eta gizarte, kultura, kirol, sindikatu, ekonomia eta politika eragile guztiei, aldarrikapena bere egitera eta hemendik aurrera egingo diren mobilizazio eta ekintzetan parte hartzera.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
12 familiak eskatu dute euskarazko D eredua Larragako San Miguel eskola publikoan, baina Hezkuntza Departamentuaren erantzunik ez dute jaso eta Mendigorriako eskolarekin gertatu zen moduan, errezeloa dute D ereduko eskaintza ez dela garaiz iritsiko aurrematrikulazio garairako... [+]