Hondurasko haur bat ito da Mexiko eta AEB arteko Bravo ibaian, bertara iritsi nahian

  • Hondurasko zortzi urteko haur bat hil da itota Mexiko eta AEBetako muga zeharkatzen ari zela. Bere gurasoek eta ahizpak muga zeharkatzea lortu dute, baina Mugako Patruilak gelditu eta Mexikora itzularazi dituzte.  


2021eko otsailaren 19an - 12:25
Argazkia: iose

Mexikoko Migrazio Institutu Nazionalak ostegunean eman du zortzi urteko umearen heriotzaren berri. Haurra hainbat heldurekin zegoen Mexiko eta AEBetako mugako uharte txiki batean, baina urak eramanda ito da bertan, Bravo ibaian.

Haurraren gurasoek eta ahizpak AEBetara iristea lortu dute, baina Mugako Patruilak Piedras Negrasera (Mexiko) eraman ditu gorpuaren identifikaziorako. Familia Coahuila estatu mexikarrean geratuko da, jatorrizko herrialdera itzultzeko beharrezko tramiteak amaitu bitartean.

Horrez gain, asteazken honetan, Bravo ibaia zeharkatzen ari zen emakume venezuelar baten heriotzaren berri eman du Institutuak.

Bidenen iragarpena

Joan den ostiralean, Joe Biden AEBetako presidenteak iragarri du Migratzailea Babesteko Protokoloaren bidez Mexikora itzularazi zituzten asilo-eskatzaileen arreta berriz ere martxan jarriko dela.

Donald Trump presidente ohiak bultzatutako programa horrek mugako kanpalekuetan milaka migratzaile pilatu zituen, AEBetako asilo eskaera ebatzi arte Mexikon itxaron behar baitzuten.

Presidentearen iragarpenaren aurrean, Mexikoko Gobernuak migratzaileei mugara ez joateko deia egin die, Bidenen neurria kasu jakin batzuetan soilik aplikatuko delako eta mugako pasabideek itxita jarraitzen dutelako.


Kanal honetatik interesatuko zaizu: Nazioartea
Paris 2024, Errusiaren kanporatzearen eta Israelen kirolaren bidezko zuriketaren artean

Su-eten Olinpikoaren urraketak Errusia 2024ko Pariseko Jokoetatik kanpo uzteko balio izan du, baina ez Israelekin gauza bera egiteko, hasieratik oinarri politikoa izan duen lehiaketa batean parte hartu ahal izan baitu.


Pablo González kazetaria aske utzi dute, Polonian bi urte eta erdi kargurik gabe espetxeratuta egon ondoren

2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]


Hamaseko buru politikoa hil dute Iranen, eta Israelek eskualde mailako gerra elikatzen jarraitzen du

Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]


Frantziak Marokorekin bat egin eta Mendebaldeko Sahararen gaineko soberania aitortu dio

Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.


2024-08-01 | Gedar
Ehunka kolono sionista oldarka sartu dira presondegi batera, hainbat torturatzaile babesteko

Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]


Netanyahuren bisita AEB-etara
Palestinako auzia erabakigarria izan daiteke demokratentzat AEBetako hauteskunde presidentzialetan

AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.


Indusen ibaibideak

Muturreko lehorteak eta euriteak dira beroketa globalak Pakistanen duen inpaktuaren alde agerikoena. Ez dira hain ezagunak, ordea, hondamendiek piztu eta bizkortzen dituzten gaitz sozialak, eta zenbat eta nola oztopatzen duten azken horiek Asiako herrialdearen garapen oso eta... [+]


2024-07-30 | Xabier Iaben
Aragoiko Asabón errekan barna bizikletaz
Pardina eta makien arrastoan

Aragoiko Asabón errekak zeharkatzen duen lurraldeak hainbat ustekabe eder gordetzen ditu. Ez naiz historialaria, eta, hortaz, ez dut halako kronika historiko bat eginen. Bereziki mendizale gisa mintzatuko naiz, aspaldi honetan nire gogoak –nire senak– halako... [+]


2024-07-30 | Mikel Aramendi
Israel, Iran eta bi elefanteak

Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]


Kolonbian zezenketak debekatu dituzte, “No más olé” legearen bitartez

Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.


Bruselan etxebizitza hutsak errekisa ditzake gobernuak, alokairu sozialak sortzeko

Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.


Eguneraketa berriak daude