Hondeamakinek Aroztegitik alde egin dutela ikusita, “garaipena ospatu” eta kanpalekua utzi du Aroztak-ek
Aroztak herri ekimenak apirilaren 16an abiatu zuen Lekarozko proiektuaren aurkako kanpaldia, obrak geldiarazteko helburuarekin. Tex enpresaren makinek alde egin dutela ikusita, ekimena amaitutzat eman dute. "Borroka luze honetan ospatzeko moduko garaipena" dela adierazi dute, baina ez dutela etsiko "udalez gaindiko eragina duen plan hau alde batera gelditzea lortu arte".
Aroztak mugimenduko kideek egunotan jasotako babesa nabarmendu dute: "Elkartasun olatu batek babesa eta indarra eman digu, Lekarozko herritik hasita, Euskal Herriko hainbat txokotatik pasatuz. Saretzeko eta gure borroka indartzeko balio duten harremanak sendotu ditugu, txikizio hau gelditzen ari garen bitartean".
"Nafarroako Gobernuari, Palacio de Aroztegia S.L. enpresari eta bere konplize den Tex enpresari argiki adierazi nahi diegu hemen herriak agintzen duela eta heldu dena heldu dela ere, inposizio honen aitzinean beti edukiko gaituztela parez pare", diote. "Txikizio honekin segitzeko tentazioa edukiz gero, itzuliko gara, eta berriz ere geldituko dugu".
Maiatzaren 15ean, manifestazioa Elizondon
"Indarrak maiatzaren 15ean Elizondoko plazatik abiatuko den manifestazioan" jarriko ditu orain Aroztak ekimenak. 17:30ean hasiko da, Landa eremua defendatu! Aroztegia gelditu! lelopean. Lehenago, larunbat honetan, herriko gazteek hainbat ekitaldi antolatu dute Lekarozko plazan.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.