Hondartza eta maskara, biak nahi ditu uztartu Italiako turismo sektoreak
Europako konfinamendurik luzeenean murgildurik dago Italia; sei aste daramatza estatuak itxita, zortzi zenbait probintziak. Jendarteak onartu ditu jada Italiako Gobernuak ezarritako neurriak, eta orokorrean, erantzun egokia eman die. Baina, zer gertatuko da eguzkiaren eta itsasoaren deia jasotakoan?
Mediterraneo itsasoak bustita, Italiako udek zerikusi zuzena dute hondartzarekin, eguzkiarekin eta beroarekin. Aurtengo uda desberdina izango dela argi duten arren, zenbait enpresa proposamenak plazaratzen dabiltza, segurtasun neurriak mantenduz udaz gozatu dezaten.
Estatu barruko mugimenduak bultzatzea izango dute helburu turismo sektoreko enpresek, ekainetik urrira arteko uda luze baten -proposamen bera egin du Eusko Jaurlaritzak, uda hau "Euskadi berriz deskubritzeko aukera" dela adieraziz-. Konfinamendu garaian dauden neurrien antzerakoak martxan jarraitu beharko dutela adierazi dute sektoreko bozeramaileek: etxean geratzeko deia egin diete italiarrei, hondartzara joatekotan etxetik hurbilen dagoenera joateko, eta garraio pribatua hobesteko. Maskaren erabilera, orain arte bezala, derrigorrezkoa izango da.
Hondartzetako langileek lekua seguru bilakatzeko neurriak hartuko dituztela adierazi eta hainbat proposamen plazaratu dituzte; hala nola, besteengandik babesteko kabinak, dutxetarako tunelak, hondartzetako tabernetako produktuak langileek banatzea, jende pilaketak kontrolatzea, etab.
Esperoan
Ziurgabetasun garaiak dira, eta inork ez daki neurri horiek martxan jarri ahalko diren. Turismo sektoreko guztiak ez datoz bat neurri horiekin, eta zenbait probintziatako agintarik denboraldi turistikoari baiezkoa eman badiote ere, zenbait sorosle ez dira lan egitearekin bat agertu txertoa prest egon arte.
Hondartzak zabaltzea ez da gauza ziurra oraindik, eta zabaltzen badira ere segurtasun neurri zorrotzak mantendu beharko dituzte. Enpresarien esperantza ekainerako kutsatu berriak kontrolpean izatea da, horrela mobilitatea nolabait erraztu baitezake gobernuak.
Floridako biztanleak, dagoeneko, hondartzan
Bestelakoa da errealitatea ozeano Atlantikoaren beste aldean, Floridan (AEB). Bertako gobernadore Ron DeSantis errepublikarrak estatuko zenbait hondartza zabaltzeko baimena eman du. Estatuan 726 pertsonak galdu dute bizia koronabirusagatik, baina hondartzetan segurtasun neurriak mantenduta, kutsatzeak haziko ez direla dio gobernadoreak.
Floridako biztanleek “aire freskoa” behar dutela esan du DeSantisek, eta hondartzetara “era on batean” joateko eskatu die. Baimenduta daude, beraz, hondartzan ibiltzea, surf egitea, igeri egitea, kirola egitea eta maskotak paseatzea, betiere besteekiko distantzia mantenduz.
Hondartzek ordutegia izango dute; goizeko 6retatik 11etara eta arratsaldeko 5etatik 8etara. Biztanleek debekatuta dute eguzkia hartzea edota toalla jartzea, baita bertan jatekorik prestatzea eta hamar pertsonatik gorako jende pilaketak egotea.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]