Hondarribiko Alarderik gabe, amabirjinaren botoa bihurtu da bazterketarako gaia
Plastiko beltzik ez da ikusiko aurten Hondarribiko kale nagusian, koronabirusak eragindako egoerak irailaren 8ko desfilea bertan behera uztera derrigortu baitu. Baina emakumeek Alardean parte hartzearen aurkakoek Jaizkibel konpainia parekidea baztertzeko beste leku bat aurkitu dute: Guadalupeko amabirjinaren botoa.
COVID-19ak eragindako egoera dela-eta, irailaren 8an ez da Alarderik egingo Hondarribian eta bazirudien azken hamarkadetan herria zatitu duen auziak aurten su-eten txiki bat biziko zuela. Igande honetan desfile baztertzailea antolatzen duen Alarde Fundazioak argitaratutako oharrak, ordea, erakusten du jaiak beren adierazpen txikienera murriztuta geratu direnean ere, emakumeen parte hartzearen aurkakoek ez dutela espaziorik partekatu nahi Alarde parekidearen aldeko pertsonekin.
1638an herriak jasan zuen setioan hondarribiarrek egindako promesa berrituz, urtero Guadalupeko amabirjinari botoa egiten zaio haren santutegian. Alarderik egingo ez den arren, ekitaldi hori mantentzea erabaki du Hondarribiko Udalak, jaiekin lotutako beste zenbait ekitaldi erlijiosorekin batera; hori bai, ermitaren inguruan izaten diren jende-pilaketak saihesteko neurriak hartuz.
Astearte honetan egingo da, 11etan, baina Alarde Fundazioak iragarri duenez, beraiek ez dute parte hartuko, pentsatzekoa denez, Jaizkibel konpainia parekideko kideak ere han izango direlako.
Horren ordez, egun berean 9:30ean euren boto pribatua egingo dutela iragarri du Alarde Fundazioak Facebook bidez zabaldu duen ohar batean. “Hondarribiko herriaren ordezkari gisa” egingo dutela adierazi dute eta ekitaldi motza izango dela, zuzenean emititzeaz gain, ondoren ikusi ahal izateko grabatuko dutena.
Bere aldetik, Jaizkibel konpainiak, emakumeek gizonen pare desfilatzen duten Alardeko konpainia bakarrak, adierazi du azken hamabost urteetan bezala boto ofizialean parte hartuko duela, “herritar guztion ordezkari den udalarekin batera”.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]
Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.
Jaizkibel konpainiaren ustez, aurten baldintza guztiak zeuden eztabaida modu lasaian egiteko. Hondarribiko herriko etxeak, eztabaida prozesua gelditua dela onartu du. Txomin Sagarzazu Hondarribiko auzapezaren esanetan, elkarrizketak bertan behera gelditu dira osasun... [+]
Irungo San Pedro eta San Martzial Jaiak egoerara egokitzeko erabakia hartu zuenetik, Irungo Udalak ez du zertan egokituko dituen berririk eman gehiago. Eta elkarteek antolatu ohi dituzten jarduerak ere, dilindan dira une hontan. Alarderik ez dela ospatuko, aldiz, aspaldi jakina... [+]
Alardea hondarribiarren ondarea dela nabarmendu du Guztion Alardeak, eta emakumeak soldadu gisa parte hartzea ahalbidetzen duen desfilea dela gatazkaren konponbide bakarra ohartarazi dute.
Alarde tradizionalaren inguruko Hondarribiko herritar talde batek astelehenean adierazi zuen emakumeek herriko jaietako desfilean parte hartzeko eskubidea dutela. Horrek orain arte ezagutu gabeko egoera eragin du bi hamarkada baino gehiagoz luzatu den gatazkan. Eta kontuak... [+]