Hondarribian “legez kanpo botatako basoa” lehenbailehen berreskuratzeko eskatu dute
Makro-outlet bat eraikitzeko Hondarribiko udal gobernuak abiatu zuen Plan Orokorra bertan behera utzi zuen EAEko Auzitegi Nagusiak, eta horren aurretik ere, gune horretan zegoen haltzadia babesteko oharra egina zuen Jaurlaritzak. Aldiz, lau hektarea hartzen zituen haltzadia bota zuten, merkataritza gune erraldoia helburu. Orain, haltzadia berreskuratzeko eskatu du Eguzkik.
Hondarribiko EAJ bakarrik geratu zen Zaldunborda deituriko eremuan makroproiektua aurrera ateratzeko asmoan, gainerako alderdien oposizioarekin eta herritar eta merkatari ugariren kritikapean. EAEko Auzitegi Nagusiak proiektua bertan behera utzi aurretik, Eusko Jaurlaritzaren Ingurumen Sailak esana zuen tentuz ibiltzeko eta Zaldunbordako haltzadia zaintzeko, Aiako Harria eta Jaizkibel artean dagoen korridore ekologikoaren parte izanik. “Tentuz ibili ordez, bota egin zuten, erabat bota”, salatu du Eguzki talde ekologistak, hondeamakinek egindako sarraskia gogoan.
Eguzkik, gainera, nabarmendu du Hondarribirako tramitatzen ari diren Plan Orokor berrian Ingurumen Sailak zentzu berean egin duela oharra: zuhaitzak bota zituztela-eta, lehenbailehen neurri zuzentzaile eta orekatzaileak eskatu ditu, suntsitutako basoa eta funtzio ekologikoa berreskuratzeko.
Atentatu ekologikoen zigorgabetasuna
Basoa berreskuratzeko eskatzeaz gain, bestelako gogoeta bat ere egin du Eguzkik: merke ateratzen zaizkio administrazioari ingurumenaren kontrako erasoak. Protesten erdian bota zituzten zuhaitzak, ez ezkutuan, eta beraz “atentatu ekologiko hori eragotz zitekeen”, baina “administrazioak oso pasiboak eta permisiboak dira ingurumenaren kontrako erasoen aurrean”.
Zigorgabetasunaz ere mintzo da talde ekologista: ireki al da espedienterik? Haltzadia bota izana arina, larria ala oso larria ote den kalifikatu al da? Garbi du Eguzkik: "Ezin du zigorrik gabe geratu”.
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Otsailean, neguaren erdigunean gauden honetan, lehentasuna gorputza ondo ureztatua edukitzea da. Intxaurrondoa egiten ari den bezala: sustraiak neguan biltegi gisa erabiltzen ditu, sustrai motz eta lodiak behar ditu, ura eta lurreko mantenugaiak biltzeko.
Txerri-hiltze sasoia da negua. Hotzak beroarena errazago kenduko dio. Guri ere txerriez hitz egiten dugunean beroarena behinik kenduko baligute!
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Gaur egun Lur planetan bizi diren intsekturik handienek 30 cm inguruko tamaina izan dezakete, gizaki baten seiren bat, gutxi gorabehera. Horien artean daude tximeleta eta sits erraldoiak edo kakalardo potoloak. Halako izaki harrigarrien aurrean nola bada erreparatu lau... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
AEBetako Ozeanoko eta Atmosferako Administrazio Nazionalaren (NOAA) ikerketaren emaitza zabaldu du Nature Climate Change aldizkariak: bereganatzen zuen karbono dioxido eta metano kopurua baino gehiago isurtzen du orain tundrak.
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
-(1).jpg)
Brasilen suteek 30,86 milioi hektarea baso eta eremu natural suntsitu zituzten iaz, Italia osoaren azalera baino gehiago. Suteek %79ko igoera izan zuten 2023arekin alderatuta, Fire Monitorren ikerketa batek agerian utzi duenez.
Lapurdiko hezegunea funtsezkoa da biodibertsitatearen biziraupenerako. Proposamena eremuan zabaldu dute eta Errobi inguruko sistema hidrauliko osoa barnean izango luke; Baionako, Angeluko, Basusarriko, Milafrangako eta Uztaritzeko Aturri ibaiaren ibaiadarrak, esaterako. Bost... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]