Klima larrialdian jarri du fokua Erraustegiaren Aurkako Mugimenduak Donostian egindako protestan
Donostiako Kontxako badian giza katea egin dute irailaren 12an, estropada ospetsuen bigarren jardunaldia baliatuta. Zubietako erraustegiak klima aldaketa bultzatzen duela nabarmendu dute.
Giza katea Alderdi Ederren hasi zen 11:00etan. Handik Kontxako hondartzara jaitsi ziren erraustegiaren aurkako aldarriak pankarta eta karteletan zituztela. Estropadak bukatutakoan, mobilizazioari amaiera eman zioten Alderdi Ederren.
Erraustegiaren Aurkako Mugimenduak antolatu zuen giza katea beste hainbat eragileren babesarekin. Antolatzaileek idatzi baten bidez Zubietako erraustegiaren eta erraustearen inguruko hainbat datu plazaratu dute. Aurtengo protestan batik bat klima aldaketarekin lotu nahi izan dute errausketa.
Errausketaren aurkako militanteek beren ekintza goizeko 9:00ak inguruan abiatu zuten, estropaden aurretik Kontxako hondartza bazter batean pankarta erraldoia zabalduz. Aurtengoan, ordea, Donostiako udaltzainek pankarta kendu zuten, horrela eragotziz helikopteroko irudietan Zubietako erraustegiaren aurkako salaketa ikusi ahal izatea.
Gaurko giza katea baino lehen urtero bezala gure aldarriak zintzilikatu ditugu Kontxan. Oraingoan ordea udaltzainak eta ertzainak agertu dira eta pankartak kendu dizkigute. Ondoan zegoen euskal kirol portuak pankartak ordea bere horretan jarraitu du... pic.twitter.com/nEviltUTPN
— Erraustegiaren A.M. (@ErrausAurkMugi) September 12, 2021
Poliziaren presioa ez zen horretan bukatu, ordea, ekintzaileek salatu dutenez. Estropadekin batera giza-katea ere amaitu ostean, EAMeko kideek beren aldarrikapena erakutsi zuten udaletxe atarian, herriko agintariek Arraun Laguneko txapeldunei egindako ongietorri publikoan eta hor kaleko jantzitako Ertzaintzako agenteek identifikatu zituzten protestalariak.
Giza katea bukatuta Donostiako pankartarekin Udaletxe aurrean Arraun Lagunekoen harrera aprobetxatuz.Handik pixka batera ertzainak agertu dira paisanoz kentzeko aginduz. Arrazoiak galdetuta "goiko aginduak" omen ziren. Ea alkateak agindu duen galdetuta "es posible" erantzun dute.
— Erraustegiaren A.M. (@ErrausAurkMugi) September 12, 2021
Errausketaren Aurkako Mugimenduak 2021eko mobilizazioan nabarmendu du Zubietako erraustegiak klima aldaketa bultzatzen duela. Herritarren artean zabaldu zuten idatziak dioenez, Zubietako erraustegiak zabor kilo bakoitzeko CO2 kilo bat sortzen du. Funtzionamendu betean egongo balitz 200.000 tona CO2 isuriko luke. Mugimenduak dio Zubietako daturik ez dutela eta Bizkaikoak eman dituzte: 2019an, Bizkaiko erraustegiak 340.000 kilo nitrogeno oxido isuri zituen, Gipuzkoako turismo diesel guztiak isuritakoaren pare. Deitoratu dute gas isurketek klima aldaketan halako eragina dutela jakinda ere, Zubietako instalazioari Gipuzkoako Ingurumen Gunea deitzea.
Donostiako erraustegiak urtean 200.000 tona zabor erretzeko gaitasuna dauka eta 2020an Gipuzkoan 132.000 errefus sortu zen. Idatziak dioenez, TMBtik pasata, hainbat material berreskuratu eta hezetasuna kenduta, 100.000 tona baino gutxiagotan geratu ziren. Mugimenduak dioenez, datuok erakusten dute hasieratik bi labeetako bat soberan dagoela eta labeak lanean izateko hondakin industrialak erretzeko asmoa dutela agintariek.
@ErrausAurkMugi ren giza kateko aldarri nagusia Kontxaren erdigunean. pic.twitter.com/DnZOugQnUC
— noaua (@noaua) September 12, 2021
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
Lasarte-Oriatik Zubietako erraustegira martxa deitu du Errausketaren Aurkako Mugimenduak apirilaren 29rako, 11etan abiatuta, "Erraustegia, airea, ura eta lurra kutsatzen" aldarripean, aipatu plantaren "errealitate kutsatzailea" agerian uzteko. Herritarrak... [+]
Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta... [+]
Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.
Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]
Ekologistak Martxan mugimenduak deituta elkarretaratzea egin dute Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde hau izan da hondakin planta berri hori ere erraustegia dela seinalatu... [+]
Erraustegiaren Aurkako Mugimenduak ekitaldia antolatu du larunbat honetarako, martxoak 27: Zubietako erraustegira joatera animatu ditu herritarrak, Errausketarik ez, ez hiri hondakinak, ez industrialak lelopean protesta egitera.
Donostiako erraustegiaren afera ikertzen jarraitzen duela adierazten duen oharra bidali zuen Europako Parlamentuko Eskaeren Batzordeak, maiatzaren 11n. Aldiz, Asensiok maiatzaren 28an kontrakoa zabaldu zuen, batzorde horrek GuraSOSek eskatutakoa atzera bota zuela esanaz... [+]
Zaldibarko zabortegiaren hondamendiak eta Mutiloako zabortegia ixteak behartuta, Eusko Jaurlaritzak Agindua atera berri du, orain arte zabortegietara bideratutako hainbat hondakini beste irteera bat emateko. Paper industriarekin lotutako 102.500 tona hondakin erretzea da... [+]
Gipuzkoako erraustegia piztear direnean, larunbatean Donostian egingo den manifestaziora deitu du Errausketaren Aurkako Mugimenduak: “Ez inori eta ez ezeri kasu egin gabe, azkenean Gipuzkoako agintari politikoek eta korporazio handiek egin dute nahi zutena. Proiektu... [+]
Gipuzkoako mugimendu sozial, politiko, sindikal eta ekologistako kideek osatzen dute Larreko (larrialdi ekologikoari aurre egiteko) mahaia. Otsailaren 29an, 17:00etan Donostiako Easo plazatik aterako den manifestazioa antolatu dute. "Osasuna, ekonomia eta klimagatik, ez... [+]
2016an diputazioko agintariek esaten zuten, (Noticias de Gipuzkoa-k Si la incineradora supera argitaratua 2016/06/24) errauskailuak isuritako dioxinen kopurua uneoro neurtuko zela. (…) Hurrengo manifestazioa, Erausketarik ez lemapean, maiatzaren 11n, arratsaldeko... [+]