Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta irailaren 23an EAEko Aldizkari Ofizialean jendaurrean jarritako jarduerarekin ere.
Bergarako Larramendi industrialdean industriarako karga mineralak modu ekologikoan ekoizteko planta bat ezartzeko asmotan zen Valogreene Paper BC SM enpresa, uztailean Bergarako Udalaren eskutik behin-behineko baimena jaso ondotik. Alabaina, azaroaren 2an egindako Alkatetzaren Dekretu bidez, udalak berriki baliogabetu egin du enpresari emaniko hirigintza-bateragarritasunari buruzko txostena. Erabaki hori hartzeko arrazoi nagusiak zein diren adierazi du udal gobernuak: "Aipatutako txostena egiteko adierazitako jarduera ez dator bat ez ingurumen-baimen integratua lortzeko proiektuan jaso den jarduerarekin, ez eta irailaren 23an EAEko Aldizkari Ofizialean jendaurrean jarritako jarduerarekin ere". Hala bada, enpresari eskatu diote berriz aurkezteko aurrera eraman asmo duen garatu nahi duen jardueraren gaineko txostena. Enpresak hasieratik ekin beharko dio, beraz, tramitazioari.
Valogreene Paper BC SM enpresak uztailean aurkeztu zuen hirigintza kontsulta, eta paper lantegien hondakinak pirolisiz eta errekuntzaz deuseztatzea proposatzen zuen. Berriak argitaratu zuenez, aurreikuspenen arabera Bergarako plantan urtean 155.000 tona paper hondakin kudeatuko lirateke, paper fabrikek Zaldibarreko zabortegira bideratu ohi zituzten hondakinak hartuz.
Urko Apaolazak ARGIAn jaso zuenez, Ekologistak Martxanek salatu zuen Bergaran eraiki nahi zutena beste erraustegi bat zela. "Talde honetako kideek azaldu dutenez, pirolisi sistemak duen ezberdintasun bakarretakoa da ke gutxiago sortzen duela. Gainerakoan, ez ditu hondakinak ezabatuko, beste batzuk sortu baizik, tartean metal astunak, dioxinak eta furanoak, diote ekologistek. Zero Wastek, Gaia errausketaren aurkako munduko aliantzak edota Greenpeacek ere gauza bera diote: sistema pirolitikoa errausketaren hain antzekoa dela, ezen erraustegi dei diezaiokegula", azaldu zuen.
Erraustegi baten presentziak izango lituzkeen albo-kalteen aurrean kezkaturik, planta eraikitzearen aurkako hainbat alegazio aurkeztu dituzte hainbat auzotarrek Bergarako udaletxean, Eusko Jaurlaritzaren Ingurumen Sailera bideratzeko. Goienak jasotakoaren arabera, diotenez 500 dira momentuz aurkeztu diren alegazioak, baina 2.000 ingurura heltzea espero dute. Tokiko hedabideari jakinarazi diotenez, hirigintza txostena baliorik gabe geratuta ere, planta ez eraikitzeko lanean jarraituko dute.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]
Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.
Maiatzaren 4tik, Hernaniko Txantxilla auzo inguruan dabilen edonork eraman dezake janari ontziratua etxera, deus ordaindu gabe. Aski da makinako botoia sakatzea, konpostagarria den ontzian bildutako errazioa hartzeko. Langile eta Aratz ikastetxeetako jangeletan sobratutakoa da... [+]