Hondakin planta ez egiteko eskatu dio Azkoitiko EH Bilduk Udalari
"EH Bildun zaborren kudeaketa esku pribatuetan egotearen aurka gaude eta egongo gara, herritar askorekin batera. Beraz, Azkaraten egitea nahi duten planta ez dugu babestuko. Hori horrela izanda, ez al da errazagoa bertan behera uzteko konpromisoa orain hartzea eta herritarren kezka honekin amaitzea?" galdetu du Azkoitiko EH Bilduk, Udalak gaia aztertzeko sortuko duen batzordearen harira.
Azkoitiko EH Bilduk ez du nahi Larke 360 enpresak herrian hondakin planta egiterik. Argudio hauek eman ditu bere jarrera azaltzeko, igorri duen oharrean: "Arau subsidiarioak interes pribatuen alde aldatzearen aurka gaudelako eta, beste aldetik, horrelako planta pribatu bat egiteak zaborren betiko kudeaketa ereduan sakontzen duelako; izan ere, esku pribatuetan egoteak kontrol eraginkorraren falta ekarri dezake. Gainera, proiektuaren bigarren faseaz ezer ez jakiteak mesfidantza eta ezinegona sortzen dizkigu".
Adierazpen hauek ulertzeko, batetik gogoratu behar da EH Bilduk aurreko astean jakitera eman duenez, herriko egungo arau subsidiarioek ez dutela baimentzen bertan proiektu hau egin ahal izatea. Eta bestetik, Larkek Jaurlaritzaren ingurumen-inpaktu txostena jasotzeko aurkeztu zuen proiektuak lehenengo fasea soilik azaltzen duela.
Ikuskaritza eskatu du EH Bilduk
"Azkaraten ustez egiten ari diren lanen inguruan ahalik azkarren ikuskaritza egiteko eskatzen diogu Udalari. Larrialdi egoeraren aitzakia jartzeak ez digu balio, teknikari edo udaltzainek argazkiak atera eta lehenengo begizko ikuskaritza egitera bidali ditzakegu. Ez begiratu beste aldera". Albiste honen amaierako bideoan adierazi duenez, EH Bilduk susmoa du "baimenik gabe lanak egiten hasi direla".
Udalak teknikari, politiko eta herritarrez osatutako batzordea jarriko du martxan
Azkoitiko EH Bilduk jakitera eman du Bozeramaile Batzordea apirilaren 17an bildu zela udaletxean, hondakin plantaren inguruan hitz egiteko. Eta bertan, alkateak batzorde bat sortzea proposatu ziela teknikari, politiko eta herritarren zenbait eragilerekin. Proposamen horren inguruan Azkoitiko EH Bilduk zera adierazi du: "Hori egitea pauso positiboa dela deritzogu, beti izan gara herritarren parte hartze zuzenaren aldekoak. Iruditzen zaigu parte hartzea garrantzitsua dela eta herritarrek beren iritziak emateko espazioak antolatu behar direla eta gero bertan erabakitakoa kontutan hartzea ezinbestekoa dela".
EH Bildu foro horretan parte hartzeko prest dago, "betiere, prozesu parte hartzaile erreal bat aurrera emateko baldintzak betetzen badira". Foro horretan "planta ez egitearen posizioa defendatuko dugu", aurreratu du.
Hona hemen azalpen hauek emanaz zabaldu duen bideoa:
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]
Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.