Hobi komuna ikertu eta ikur frankistak kentzeko eskatu dute Cintruenigon
Francok ezarritako erramu hostozko Nafarroako armarriak eraikin ofizialetan dirauela salatu dute José Pérez Aznarri egindako omenaldian.
Cintruenigoko Larga kaleko etxera sartu eta preso hartu zuten faxistek José Pérez Aznar 1936ko abuztuaren 13an, Gerra Zibila hasi berritan. Herriko beste zazpi lagunekin batera Alfarora (Errioxa, Espainia) eraman ostean, Yergako areka batean fusilatu eta lurperatu zuten. 1978an berreskuratu zuten hezurdura: Cintruenigoko zortziez gain, Milagroko bost lagunen hezurdurak ere bazeuden hobi komunean.
Pérez Aznarri omenaldia egin diote bere heriotzaren 80. urteurrenean, faxistek preso hartu zuten etxearen atarian plaka bat ezarrita. Omenaldian azaldu dutenez, Cintruenigoko hilerrian 1936an fusilatutako beste 20 lagunen hezurdurak egon daitezke. Garaiko ehorzlearen argibideak jarraiki egin dute salaketa: hobia sekula ez dela ikertu ohartarazi dute.
Ikurrak kentzeko eskaria
Cintruenigoko ikur frankistak kentzeko eskatzeko ere baliatu dute elkarretaratzea. Besteak beste, zenbait eraikin ofizialetan erramu hostodun Nafarroako armarria dagoela salatu dute; Francok ezarritako kondekorazio militarra da.
Horrez gain, herriko musika eskolak Antonio Martinez Caraccioloren izena daramala arbuiatu dute omenaldian. Fusilatuen alargunei ilea moztu ohi zieten, eta haiek jendaurrera ateratzeko momentua iragarri ohi zuen Martínez Caracciolok danborra joz.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Iruñea, 1939. Urte hasieran, hiriko zezen-plaza kontzentrazio-esparru modura erabili zuten frankistek. 3.000 gerra presorentzako edukiera izan zuen ofizialki; Nafarroan une horretan fronterik ez zegoenez, gerra presotzat baino errepresaliatu politikotzat jo behar dira han... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Gasteiztarrarekin bederatzi dira ihesaldian parte hartu zuten identifikatutako pertsonak. Guztira, Nafarroako DNA Bankua sortu zenetik 43 pertsonaren datuak lortu dituzte.
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
Migratzaile familia batek irekitako denda baten aurrean ikur frankistak jarri dituztela salatu du Zurekin Nafarroa ezker koalizioak. Fiskaltzari eraman dizkiote datuak, gorroto delitu bat egon daitekeelako pankarta horren atzean.