Hizkuntza ereduak blindatu ala eraldatu nahi dituzten argitzeko eskatu die EH Bilduk EAJ eta PSEri
Egungo hizkuntza ereduak EAEko Hezkuntza Legean jasota gera daitezen EAJ eta PSEk azken unean adostutako emendakinaren harira, "gidoi aldaketa" kritikatu du EH Bilduk. Hala ere, PSEk eta EAJk emendakinaren inguruko bertsio kontrajarriak eman dituztela eta interpretazio bat eta bakarra emateko eskatu du. Hortik aurrera, hizkuntzen aferan "eztabaida modu eraikitzailean elikatzen saiatuko gara, eta ez mahai gainean jarri duten eztabaida artifizial horren inguruan".
"Errealitateak aspaldi gainditu ditu hizkuntza ereduak"
Gidoi aldaketa salatu du Pello Otxandiano EH Bilduren programa arduradunak: "Bi urte eta erdian testu asko erabili dira, eta inon ez da hizkuntza ereduen aipamenik egon, hain justu gaur egun hezkuntzak bizi duen egoerak ez dituelako eskatzen eta etorkizunera begira ereduak gainditu egin behar direla uste dugulako. Baina atzo, azken minutuan, EAJ eta PSEk hizkuntza ereduen aipamena sartu dute eta hizkuntza ereduen eztabaida ekarri dute erdigunera, hori ez zenean orain arteko eztabaiden erdigunea". Garbi adierazi du Otxandianok: hizkuntza ereduek ez dute balio gaur egun ikasgeletan dagoen aniztasuna kudeatzeko, eta gainera "errealitateak aspaldi gainditu ditu hizkuntza ereduak". Pakistandik etorri berria den ikaslea, Venezuelatik etorri berria, etxetik euskara dakarrena… barnebiltzen dituen ikasgela jarri du adibide: ikasgela horretan, ziurrenik, hizkuntza eredu denak aplikatuko dira, nahasita.
"Daukagun esperientzia da hizkuntza ereduek ez dutela bermatzen hizkuntza ofizialen jabe izatea, derrigorrezko hezkuntza bukatzean. Legeak dauzkan helburuak [B2 maila lortzea derrigorrezko hezkuntza bukaeran] ez dute bermatzen ereduek, ez A ereduak, ez B ereduak, ez D ereduak".
PSEren hordagoak irauli du mahaia
"Argi dago zer gertatu den: PSEk marra gorri bat jarri du, hordagoa bota du, publikoki, hizkuntza ereduak bermatu, inkorporatu eta blindatu behar direla esan du, beretzat politikoki garrantzitsua delako, ez hezkuntza argudioak erabiliz, eta EAJk markoa erosi dio", kritikatu du Otxandianok.
Hala ere, PSEk eta EAJk emendakina ezberdin irakurri dutela nabarmendu du: "PSEko ordezkariak esan du emendakinak hiru hizkuntza ereduak inkorporatzen dituela lege proiektura, bermatuta eta blindatuta geratzen direla egungo ereduak (eta beraz, A ereduan ikasi nahi duen familiak aukera izango duela orain eta etorkizunean). Aldiz, Jokin Bildarratz Hezkuntza sailburuak adierazi du hizkuntza ereduak eguneratu egin behar direla, ez dituztelako betetzen hezkuntza akordioan dauden helburuak, eta beste zerbait eraiki behar dela, ereduak aldatu, eguneratu, transformatu".
Bertsio kontraesankorrak ematea serioa ez dela eta eskaera egin die bi alderdiei: "Gai izan daitezela elkarrekin prentsaurrekoa eman eta emendakin honen interpretazio bat eta bakarra emateko, zertara datorren eta zein helburu dituen emendakin honek. Gutxienekoa da".
Hortik aurrera, "eztabaida modu eraikitzailean elikatzen saiatuko gara". Hiru baieztapen jarri ditu eztabaidarako abiapuntu, EAJ eta PSEk baieztapenekin bat egiten duten galdetuz: "Hizkuntza ereduak ez dira baliagarriak egun ikastetxeetan daukagun aniztasun soziolinguistikoa kudeatzeko; hizkuntza ereduek (A, B, D) ez dute bermatzen ikasleak bi hizkuntza ofizialen jabe izatea (B2 maila eskuratzea); laugarren tituluak gainditu egiten du hizkuntza ereduen sistema". Alegia, legearen laugarren tituluak ikastetxeei eskatzen die hizkuntza proiektua egiteko, nola lotzen da hori A, B, D ereduak mantentzearekin?
Eztabaidarako erreferentzia politiko bat (Katalunian hizkuntzaren inguruan iaz erdietsi zuten akordioa, PSCk tartean) eta "bost galdera gako" aipatu ditu Otxandianok: "Zein da laugarren tituluan erreferentziatzat hartzen dugun marko teorikoa? Zein da marko estrategikoa? Zeintzuk dira orain arte izan ez ditugun instrumentuak hizkuntza proiektuak garatzeko? Ze baliabide berri behar ditugu hizkuntza proiektuak garatzeko? Ze garabide ikusten diogu lege honi hurrengo hamar urtetan, hizkuntzen arloan?".
EAEko Hezkuntza Legeaz informazio xehea aurkituko duzu, ARGIAn legeari eskainitako kanalean.
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Begoña Pedrosa Hezkuntzako sailburu berriak egindako adierazpen ugariei erantzunez, Hezkuntzari buruzko 17/2023 Legea ezarriko da aurtengo ikasturte hasieran, Legebiltzarrean EAJ eta PSEren babes bakarrarekin onartu zena. Ezarpen horrek berekin ekarriko du agindu eta... [+]
Itunpeko ikastetxeetan ari diren irakasleen soldata eskola publikoan ari direnekin parekatuko du Eusko Jaurlaritzak. Parekatzea progresiboa izango da, prozesua 2027an amaituko da eta prozesua hasteko 67 milioi euro bideratuko ditu aurtengo aurrekontu publikoetatik. Hezkuntza... [+]
EAEko Hezkuntza Legea. Biharamunerako koordenatuak liburua aurkeztu du asteazken honetan Hik Hasi egitasmoak. “Denontzat eta denona izango den hezkuntza sistema publikoa, bateratzailea, soziala eta inklusiboa erdiesteko bidean lege berriak zein aukera irekitzen dituen... [+]
Gasteizko Legebiltzarraren aurrean egin dute protesta Euskal Herrian Euskarazeko kideek, “iraungita” dagoen Hezkuntza Legearen onarpena salatzeko. Goizeko 9:00etan elkarretaratzea burutu dute eta bi kide Legebiltzarreko atera kateatzen saiatu dira.
Iritsi da eguna: Eusko Legebiltzarrean ostegun goiz honetan onartu da soilik EAJ eta PSEk babesten duten Hezkuntza Legea. Legebiltzar atarian, Euskal Eskola Publikoaz Harrok eta Euskal Herrian Euskarazek protestak egin dituzte. Duela hogeita hamar urte onartu zen azken hezkuntza... [+]
Hezkuntza Lege berria, adostasunetik jaio behar zena, haserrean eta desakordioan onartu da. Publiko-pribatu auziak eta hizkuntza ereduek eragin dute akordio falta. Pena handia.
Horretan Espainiako ereduari jarraitzen diogu, EAEn ez garelako gai oinarri amankomun batzuk jarri... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
"Azaroaren 29an Eusko Legebiltzarreko Hezkuntza Batzordean onartu den Lege proiektua dagoen moduan onartzen bada, Euskal Hezkuntza Sistema eraldatzeko aukera galduko dugu", adierazi dute Ikastolen Elkarteko lehendakari Nekane Artolak eta zuzendari nagusi Jose Luis... [+]
Ez orain, ez lehen!