Hizkuntza aldatzeak nortasuna aldatzen du ikerketa baten arabera
Hau irakurtzen ari bazara, ia segurua da hizkuntza bat baino gehiago dakizula. Hala bada, ez duzu Jekyll doktorearen edabe misteriotsurik beharko zeure nortasuna aldatzeko; aski duzu hizkuntza batetik bestera ibiltzea. Hori da behinik behin AEBetan egin berri den ikerketa batek dioena. Hala ere, hizkuntza bi edo gehiago jakitea ez da nahikoa. Hizkuntza horiei lotutako kultura desberdinetan murgilduta egon behar duzu, bai batean zein bestean. Elebiduna ez ezik, kulturbiduna izan behar da nortasuna aldatu ahal izateko.
Ikerketa Baruch College-ko David Lunak eta Wisconsin-Milwaukee Unibertsitateko Torsten Ringberg eta Laura A. Peracchiok egin dute. Ikusi dutenez, hizkuntza eta kultura bat baino gehiago dutenek nortasuna alda dezakete oharkabean, darabilten hizkuntzaren arabera. Behintzat hala gertatzen zaie emakumeei: ikertutako subjektu guztiak andrazkoak izan dira. Eta denak hispaniar jatorrikoak eta ingeles eta gaztelania hiztunak. Anglosaxoi eta hispaniar kulturenganako identifikazio maila desberdinak dituzte, ordea.
Azterketak agerian utzi du kultura bietan murgilduta dauden emakumeek aldaketa nabarmenak nozitzen zituztela autopertzepzioan. Alegia, askoz arinago eta errazago aldatzen dutela erreferentzia markoa hizkuntza batetik bestera igarotzean, besteek baino. Parte hartzaile kulturbidunek modu desberdinean definitu dute beren burua hizkuntza batean edo bestean, eta ikertzaileek ere aldaketak sumatu dituzte. Esaterako, gaztelaniaz jardutean irekiago eta seguruago agertu dira.
Probetako batean, ikertutako emakumeek telebistako iragarki bat ikusi behar zuten hizkuntza batean, eta handik sei hilabetera bestean. Iragarkiak eragin zizkien sentimenduak desberdinak suertatu ziren aldi bakoitzean. Parte hartzaileetako batentzat, esaterako, iragarkiko protagonista nagusia independentea eta ausarta zen gaztelaniazko bertsioan, eta bakartia eta etsipenez betea ingelesezkoan.
Beste argudio bat gaztelaniaren nagusigoaren defendatzaile sutsu horientzat.
2024ko bigarren seihilekoaren lanaren emaitzak jaso ditu Euskaltzaindiak. Forma berriak eta aurretik zeudenen osatzeak aurkeztu ditu. Forma berrietan, oraingoan, batez ere, sukaldaritzako hiztegia landu dute. EITB eta Berria-ko edukiak hartu dituzte iturritzat.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Gero eta akats ortografiko gehiago atzematen dugu sare sozialetako idazkietan, eta ez soilik gazteek egindakoak, baita komunikabideetakoak ere. Batzuk hain bihurtu dira ohiko, non gure begiei apenas ez dieten minik ematen.
Horrela, gaztelaniaz hauek bezalakoak barra-barra... [+]
"Ekin eta jarrai" da Euskaltzaindiaren goiburua. Ez dakit Akademia zergatik ez zuten ilegalizatu, hiru berba horiek agertuta bere logotipoan. Gutxiagorekin egin dira salaketak-eta (adin batekook La orquesta Mondragón-en kasetearena gogoan dugu, Martxoaren 11ren... [+]
Faith Chepngetich Kipyegon keniarrak 1.500 metroko atletismo proba irabazi zuen larunbatean, Paris 2024ko azken-aurreko egunean, bigarren emakumezkoa bilakatuz historian atletismoan urrezko hiru domina olinpiko erreskadan lortu dituena. Gauzatxo bati ere erreparatu... [+]
Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.
Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]
Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.
Mikel Perez Gonzalez hizkuntzalaria hitz egiterakoan erabiltzen den kode alternantzia aztertzen ari da, alegia, euskaldunek nola nahasten dituzten euskara eta gaztelania. Alternantziaren arrazoietako bat euskara gaitasuna da, baina Perezek gehiago ere kontatu ditu.
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Anik Nandi Indiako soziolinguista da, Mendebaldeko Bengalan jaioa. Gaur egun doktoratu ondoko ikertzailea da EHUko Hizkuntzalaritza eta Euskal Ikasketen Sailean, eta kolaboratzailea, berriz, Galiziako Errege Akademiako (Real Academia Galega) Soziolinguistika Mintegian eta... [+]