Hispanitatearen egunaren bezperan Lemoatxako ikur frankista bota du Ernaik
1936ko altxamendu militarretik 85 urtera "faxismoari gorazarre egitea zilegi" dela salatu du gazte antolakundeak. Urriaren 12an eskualdeko mobilizazioak antolatu ditu "bizitzak erdigunean jartzen dituen independentismoa" eraikitzeko.
Lemoako (Bizkaia) mendian zegoen gurutze erraldoia 1937an altxatu zuten garaipen frankistaren omenez. “Monumentu hauek, frankismoaren elementu sinboliko izatetik harago, frankismoak 78ko erregimenean biziraun duenaren erakusle dira”, adierazi du Ernaik ekintzaren harira zabaldu duen oharrean. Antolakundearen esanetan, “78ko erregimena frankismoaren oinordeko politikoa” da. Ekintzaile talde bat gauez jo du mendira eta harrizko oinarria apurtu du mailu elektriko eta rotaflexekin, gurutzea lurrera bota arte. Bideoan jaso dute ekintza, urriaren 12an eta Hispanitatearen eguna salatzeko asmoz antolatu dituen eskualdekako mobilizazioetara dei eginaz:
??? Espainiar faxismoarekin hautsi! Lemoako gurutze frankistarekin egin bezala, 78ko Erregimena ere eraitsiko dugu. Urriaren 12an ez dugu ezer ospatuko, batu eskualdekako mobilizazioetara.#GazteokIndependentzia pic.twitter.com/DWAZaqHuGm
— Ernai (@ernaigazte) October 11, 2021
Ospatzeko ezer ez
Ernaik larrialdi egoeraren amaierarekin lotu du aurtengo Hispanitate eguna. Osasun larrialdia kapitalismoan eta espainolismoan sakontzeko baliatu du Espainiak, bere esanetan: “Kapitalismo heteropatriarkalak aurrera egin duen moduan, hala egin du autoritarismoak, faxismoak eta espainiar estatuaren asimilazio prozesuek ere. Pandemiaren kudeaketak errezeta garbia jarraitu du: espainiar zentralismoa eta autonomismoaren segidismoa". Borrokarako eguna aldarrikatu du: “Erregimenari arrakalak biderkatzeko eguna da gaurkoa, Erregimena eta bere zutabe guztiak eraistekoa.
Frankismoa bizirik eta boteretsu jarraitzen duela salatu du Ernaik. Adibidetzat jarri ditu, besteak beste, botere ekonomikoak: “Horren ondorio da esaterako azken hilabeteotan oligopolio elektriko espainiarrak argindarraren prezioaren espekulazioarekin eragindakoa”. Baita botere judiziala ere, “inperialismo linguistikoaren izenean euskararen kontrako etengabeko erasoak zuzendu dituena”.
Horren guztiaren aurrean, “bestelako Euskal Herria posible” dela aldarrikatu du gazte antolakundeak, eta borrokaren beharra azpimarratu du: “Jarrai dezagun bizitzak erdigunean jartzen dituen independentismoa eraikitzen, egunez egun langile sektoreon beharretara dagoen herria eraikitzen”.
Eskualdeko mobilizazioak
Ernaik mobilizazioak antolatu ditu urriaren 12rako Hego Euskal Herriko dozena pare bat eskualdetan, eguerdian zein arratsaldez.
Astelehenean eraitsi zuen Ernai gazte antolakundeak Lemoatx tontorreko gurutze frankista. Udalak adierazi duenez ez dute berriro altxatuko, Memoria Historikoaren Legea urratzen zuenez haren eraistea aurreikusita baitzegoen.
Asteazken goizean deklaratu dute Espainiako Poliziaren aurrean. Migratzaileen hainbat kolektibok eta Sortuk urriaren 12an antolatu zuten ekitaldian erregearen eta kolonizatzailearen irudi bana bota zuten lurrera. Demokrazia falta salatzen eta Euskal Errepublika aldarrikatzen... [+]
Urriaren 12aren karietara Ernai ezker abertzaleko gazte erakundeak Kanpezuko (Araba) Guardia Zibilaren koarteletik Espainiako bandera lapurtu zuen. Ekintzan parte hartu zuten gazteek bertako harresian "Ez zaituztegu onartzen" idatzi zuten.
Asteburuan eta urriaren 12ko astelehenean hainbat mobilizazio antolatu ditu Sortuk Euskal herri osoan. Iruñean Colónen eta Espainiako Erregearen estatua bana bota dute lurrera.
Hispanitatearen egunaren aurka mobilizazioa egin du Arrotxapea auzoan Migratuen Nafarroako Mugimenduak. Goree irla izenarekin berrizendatu dute Armendaritz Erregeordearen plaza, eta Chitareros izena eman diote Pedro de Ursua kalea zenari.
Hasieran Espainiako Erresumaren aldia izan zen, eta denok ikusi genuen zer zegoen bosgarren mendeurrenaren kari antolaturiko ekitaldien atzean. Kulturen arteko topaketa gisa erakutsi ziguten hura genozidioaren ospakizuna zen, ez zegoen benetako gogoetarik ez bestelako... [+]
Sare Antifaxista plataformak antolatutako manifestazioan jai egun arrotzei uko egitea aldarrikatu, eta Espainiako Gerra Zibilean egon zen erresistentzia antifaxista omenduko dute.
Espainiako errege-erreginaren harrerara ere joanen da Nafarroako presidentea. Yolanda Barcina izan da azken presidentea ekitaldietan parte hartzen.
Nazka-nazka eginda naukate nazionalismo hitza entzun eta deabruaren ipurdia aipatzea legetxelako txakurkeriak ahotan dabiltzan politikari eta kazetariek.
Urriaren 12a da gaur. Inperialismo espainiarraren egun handia. Egun seinalatua gure kontraesanak agerian uzteko.
Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan... [+]
Gaurko jai egunaren harira, bere postura azaldu nahi izan du Hernaniko Udaleko Enpresa Batzordeak: «azken urteetan, Udalean normaltasunez garatu dugu lan egutegia, ideia eta sentsibilitate anitza dugun udal langileon artean. Normaltasun horren... [+]