Hirugarren zulo bat agertu da Donostiako metroaren lanetan
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria" gelditzeko eskatu du EH Bilduren udal taldeak.
Donostiako EH Bilduk adierazi duenez, zinegotziak Zubieta kale ingurura agertu dira bizilagunen abisua jaso ostean. Bertan, hainbat kale eta kabina itxita topatu dituzte, eta langileei galdetuta baieztatu diete obren zuzendaritza eta Donostiako Udala jakinaren gainean daudela.
Antza denez, goizean hasi dira agertu den zuloa konpontzeko lanetan, eta arratsaldean oraindik horretan ari ziren. Donostiako EH Bilduk metroko lanen inguruko informazio falta salatu du, eta Udal Gobernuak obretan gertatutakoaren berri oraindik eman ez izana larritzat jo du.
Azken zulo honek lanen zati horretan dauden zailtasunak agerian uzten dituela azpimarratu du udal taldeak, eta lehen zuloa agertu ostean abiatutako euste-lanek emaitzarik eman ez dutela. Gainera, duela aste gutxi esleitutako bigarren lizitazioaren eraikuntza-proiektuak eremu horrek baldintza geotekniko ezegokiak dituela dio, eta zulo berriak agertzea posible dela.
Hori guztia dela-eta, eta atzerapenak, gainkostuak, eta oroz gain, Donostiako herritarren eta langileen segurtasuna "arrisku larrian" jartzen ari delako "zentzugabekeria" gelditzeko eskatu du EH Bilduren udal taldeak.
⚠️⚠️⚠️⚠️Adi! Zulo berri bat metroaren obretan, oraingoan Kontxako kabinetan.
⚠️⚠️⚠️⚠️Atención, nuevo socavón en las obras del #metro, esta vez dentro de las cabinas de la Kontxa pic.twitter.com/YAcwjjy0ZB
— EHBildu Donostia (@HiriBizia) May 7, 2021
Aurrekariak
Joan den urteko ekainean inguru bereko bi eraikin hutsarazi behar izan zituzten, obretan gertatutako luizi baten ondorioz. Ordukoan zulo bat ireki zen obra egiten ari ziren lekuan eta tunelean ura, hondarra eta eskonbroa sartu zen, bertako langileek ARGIAri adierazi ziotenez. Gainera, egonkortasun falta handia zela ere azpimarratu zuten.
2020ko azaroan, halaber, zulo ikusgarri bat agertu zen Zubieta kalean bertan. Beste hainbat alditan ere salatu dituzte metroaren lanen ondoriozko kalteak bizilagunek, eta bertan lanean aritu diren langileek ere segurtasun falta salatu izan dute.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.
Larunbaterako elkarretaratzera deitu du EH Bilduk Zentzugabekeriak goia jo du; metroaren gastua lehentasun sozialetarako lelopean. 12:00etan izango da Euskal Trenbide Sareak Amarako topo geltokian duen bulegoaren aurrean. “Donostian jende gehienak ondo daki ez dela... [+]