Hirugarren aldiz, Usansolo udalerri bilakatzearen aldeko hautua nagusitu da herri-galdeketan
Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.
Hirugarren aldiz, Usansolo udalerri bilakatzearen alde egin dute herritarrek. Hala adierazten dute igandean egindako herri-galdeketaren emaitzek: %81,54 Usansolo Galdakaotik bereizi eta udalerri bilakatzearen alde agertu da. 3.771 pertsona zeuden bozka ematera deituta, eta horien %63,12k parte-hartu zuen galdeketan.
1987an eta 2014an agertutako iritzi berari eusten diote usansolotarrek. Urte horietan ere burutu baitzituzten galdeketak, Usansoloren desanexioaren aldeko postura nagusituz. Alabaina, erakundeek ez zieten zilegitasunik aitortu. Igandeko galdeketa ere ez da loteslea berez, baina badu desberdintasun esanguratsu bat aurrekoekin konparazioan: azken galdeketa ofiziala da, Galdakaoko Udalak antolatu duenez gero. Zentzu horretan pozik agertu zen Usansolo Herria plataformako bozeramaile Monika Mena, Berriari egindako adierazpenetan: "Poza sentitu genuen, sikiera berrogei urte luzeren ondoren lortu dugulako Galdakaoko Udalak ofizialki galdetzea ea udalerri independente izan nahi dugun".
Hurrengo urratsak zein diren azaldu du Menak. Orain Galdakaoko Udalari dagokio galdeketaren emaitza eta memoria bidaltzea Bizkaiko Foru Aldundiari, eta bigarren horrek loteslea ez den txosten juridikoa osatuko du, Bizkaiko Batzar Nagusiarena izanik azken hitza.
Usansolo Herria plataformatik espero dute beren borondatea errespetatua izatea: "Memorian argi gelditzen da Usansolok baldintza ekonomikoak, juridikoak, soziologikoak, bideragarritasunari buruzkoak, zerbitzuetakoak eta abar betetzen dituela, eta herritarron iritzia ere argi gelditu da. Beraz, Batzar Nagusietatik espero duguna da hori errespetatzea eta gure borondate eta erabakia onartzea, besterik ez". Galdeketak bilakaera hori izanez gero, prozedurak ez luke iraun beharko bi urte baino gehiago.
Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.
Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.
Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko... [+]
Usansolon erroldatuta dauden 16 urtetik gorako 3.647 lagun zeuden deituak Galdakaoko Udalak antolatutako galdeketara, eta haietatik 2.302k (%63,12) eman dute bere iritzia. Herri independente gisa eratzearen alde agertu dira %81,54.
Bizkaiko 113. herria izan nahi du Usansolok, hala erabaki zuten 2014. urtean egindako kontsultan eta 2017an egin zuten sinadura bilketan. Deskonexiorako bide orria adostu zuten alderdi eta instituzioekin, orain ordea EAJk prozesua blokeatu izana salatu du UHk.
Usansolo Herria (UH) taldeak prentsaurrekoa eman du, Usansolo Galdakaotik bereizteko 2016an martxan jarritako prozedura Galdakaoko EAJren eta batik bat Ibon Uribe alkatearen jarreragatik geldotzen ari dela salatzeko. Usansoloren mugak zeintzuk diren berresteko bertoko... [+]
Usansolo Herria (UH) elkarteak agerraldia egin du Galdakaoko Udaletxearen aurrean. Usansoloren desanexio prozesuan Galdakaoko alkateak izandako jarrera salatu du bertan, hala nola Batzorde Parekidearen eraketa.
Usansoloko desanexio prozesuaren barnean, Galdakaoko alkateak ohiz kanpoko Bozeramaile Batzordea antolatu duela salatu du Usansolo Herria (UH) elkarteak. Aukeraketa hori modu pribatuan egin izana leporatu dio.
Bizkaiko Foru Aldundiak men egin dio Batzar Nagusiek otsailaren 3an onartutakoari, eta 2012tik indarrean dagoen foru araua aldatzea onartu du. Arau horrek Bizkaian udal gehiago sortzea debekatzen du.
Udal berrien sorrera debekatzen duen araua aldatzeko proposamen bat egin dezan eskatuko diote Bizkaiko Batzar Nagusiek Aldundiari, EH Bilduren mozio bat onartu ondoren. Hala, apur bat hurbilago du Usansolok Galdakaotik bereizteko aukera.
Udalbatzak PSE-EEren mozioa onartu du. Sozialistek ez eze, Usansolo Herria, Bildu eta Galdakao Bizirik taldeek alde bozkatu dute. PPk ezezkoa eman du eta EAJ abstenitu egin da.
3.000 herritarrek zuten boto eskubidea Usansolo udalerri bihurtzeari buruzko galdeketan eta %73k bozkatu dute, horietatik %90ek desanexioaren alde. Galdeketa Usansolo Herria plataformak antolatu du eta ez du balio juridikorik.
Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]
