‘Hiru zitxun’ kabalkada ikusgarria emanen dute Ainhize herrian
Gamarte, Lakarra eta Ainhize-Monjolose herriek Hiru zitxun antzerki ikuskizuna emanen dute ebiakoitz honetan, Ainhizeko plazan, 21:00 orenetan. 130 jokalari ariko dira antzerkian kantuan eta dantzan.
Hirurak Bat antzerki taldea Lakarra, Gamarte eta Ainhize-Monjoloseko herrietan (Baxenabarren) aritu zen 80ko hamarkadan. Orduko iturriaren emaria ez da agortu. Garai hartako arizaleek eta hauen ondorengoek Hiru zitxun ikusgarria apailatu dute.
Hiruak Bat elkartea lozorroan zegoen nonbait eta 2017an iratzarri zen: “Ohartu gara hiru herrien arteko harremanak galtzen ari zirela eta zerbaiten muntatzeko momentua ote zen gogoetatu dugu elkarrekin”, azaldu du Jean Mixel Bikain gamartearrak.
Duela 40 urte herrietan antzerkiarekiko zegoen “enbeia eta giroa” bizirik zegoela oharturik, hiru herrietako biztanleak proiektu berri batera gonbidatu zituzten. Lehen bilkuran 55 herritar bildu ziren. Hiru zitxun ikusgarria apailatzeko kantua, dantza eta antzerkia lantzen ari izan dira bi urtez. Ikusgarriaren ideia lausoa lantzen hasi ziren eta iazko ekainean buru-belarri ekin zioten Hiru zitxun egitasmoari.
Hiru zitxun Jean-Mixel Nobliak idatzia da eta Kabalkada gisara jokatua. Noblia ez da hiru herri hauetako bizilaguna. Alta, usatua da gisa honetako ikusgarriak idazten eta zuzentzen: “Neutroa zen norbait nahi genuen”, azpimarratu du Bikainek.
Hiru zitxun Kabalkadak hiru dantza, hiru kantu eta antzerki librea uztartzen ditu. Nobliaren eleetan “komedia” da, hiru herrietako bi istorio lotzen dituena. Bata, “1970eko hamarkadan hiru herriak batzeko izan zen nahikaria”. Bestea, “Gamarte eta Lakarra arteko mugan dagoen iturri batek sortutako kalapitak”. Kattalin eta Xemartin pertsonaien arteko amodio istorioak lotzen ditu antzerkiaren hariak.
Ikusgarria bi aldiz eskainiko dute: 23an, larunbat honetan, 21:00tan Ainhize-Monjoloseko plazan, eta hilaren 30ean, tenore eta leku berean.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]