Hiru urte eta bederatzi hilabeteko espetxe zigorra ezker abertzaleko familia baten etxearen aurka tiro egin zuen polizia ohiari
Astearte goizean egitekoa zen epaiketa, baina akordioa egin dute aurretik fiskaltzak, akusazio partikularrak eta akusatuaren defentsak. Akusatuak onartu du 2019an tiro egin ziola Amurrioko ezker abertzaleko familia baten baserriari. Espetxeratzea ekiditeko indultua eskatuko duela iragarri du, eta alde azaldu da familia: "Ez da garaia kartzelak betetzeko”, adierazi du familiaren abokatu Txema Matanzasek.
Arabako Auzitegian zen egitekoa epaiketa, baina aurretik eta ordu pare bateko negoziazioen ostean itxi dute akordioa hiru aldeek. L.A.M.A. Espainiako polizia ohiak onartu du 2019an tiro egin zuela Amurrioko (Araba) Lezama auzoko baserri baten aurka, eta bi deliturengatik onartu du zigorra: tiroak eragindako kalteengatik 180 euroko isuna eta 200 euroko kalte ordainak ordaindu beharko ditu; gerra armak baimenik gabe biltzeagatik hiru urte eta 9 hilabeteko espetxe zigorra ezarri zaio, eta armak izateko debekua sei urte eta bederatzi hilabeterako. Akordioaren aurretik, fiskaltzak zazpi urte eta erdiko espetxe zigorra eskatzen zuen, eta akusazio partikularrak hamahiru urte eta erdikoa.
Espetxeratzea ekiditeko asmoz polizia ohiak indultua eskatuko duela argitaratu du Aiaraldeak, eta akusazio partikularra aukera horren alde azaldu dela zigortuaren adina dela eta (80 urte betetzear da). “Ez da garaia kartzelak betetzeko”, adierazi du akusazioaren abokatu Txema Matanzasek familiaren jarrera azaltzeko. Aitor Aspuru kazetariak jaso duenez, familiak ahaleginak egin ditu hasieratik polizia ohia espetxean sartu ez dadin.
2019ko tiroa
2019ko urtarrilaren 6an L.A.M.A. polizia ohiak tiro bat egin zuen Amurrioko Lezama auzoko baserri baten aurka, ezker abertzaleko familia ezagun baten bizitokia. 400 metro inguruko distantzia batetik egindako tiroa leiho batetik sartu zen. Hiru pertsona zeuden etxe barruan, eta horman utzitako arrastoa aintzat hartuta, familiak adierazi zuen horietako bati 60 bat zentimetrora pasa zitzaiola bala.
Akusatuak hasiera batean ukatu egin zuen bere parte hartzea Ertzaintzaren aurrean, baina onartu egin zuen ondoren, eta bere etxean baimenik gabeko armategi oso bat aurkitu zuten. Aiaraldeak eraman zuen iruditara armategiko edukia, behean ikusi daitekeenez.
Familia, lasai
“Familiak lasaitasunez hartu du prozesuaren emaitza”, Aiaraldearen esanetan. “Positibotzat” jo du epaiak onartzea tiroa apropos egin zuela polizia ohiak beren aurka.
“Ahots propioa duen sare bezala” gorpuztuta, eta torturatuen aitortza eta erreparazio publiko, sozial eta ofiziala helburu, otsailaren 15ean eratu eta aurkeztuko du bere burua Euskal Herriko Torturatuen Sareak. Tortura jasan duten 700 pertsona baino gehiagorekin... [+]
Polizia ez zegoen lanean ustezko gertakaria jazo zenean.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]