Hiru medikuetatik bi falta dira Elizondoko osasun etxean
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Egoera larrian dago Elizondoko osasun etxea. Hiru medikuren artean artatu beharko lituzkete pazienteak goizetan Elizondon; aldiz, mediku bakarra dago 3.000 pertsonari arreta emateko. Udaberrian mediku batek akoplamendua –Osasunbideako langileek lekualdatzeak egiteko dituzten tresna– eskatu zuenez, lanpostu bat bete gabe geratu zen. Ondoren, beste batek kontratuari uko egin zion. Bakarra geratzen da, eta gerta liteke irailean lekualdatzea egitea. “Falta diren medikuen lanpostuak aparteko orduekin betetzen saiatu gara. Ez dira derrigorrezkoak; hortaz, mediku faltari aurre egiteko Osasunbideak proposatzen duen konponbide bakarra produktibitate boluntarioa da”, esan du Xabi Zarandonak, Elizondoko guardiako medikuak.
Egoera honetan, gaixoen jarraikortasuna bermatzea ezinezkoa dela azaldu du: “Guretzat beti dira gaixo berriak, eta gaixoentzat beti gara mediku berriak. Ez dago jarraipen egoki bat emateko aukerarik ez dakigulako non egonen garen lanean”. Gaineratu du jarraikortasuna lehen mailako arretak daukan gauzarik garrantzitsuena dela: “Ezaugarri espezifiko eta berezi bat da, eta horrek, berebiziko garrantzia dauka eskaintzen dugun arretaren kalitatean”. Argi du zerbitzuaren kalitatea jaitsiko dela.
Pazienteei eragiteaz gain, langileengan ere eragina dauka, lan karga “pila bat” handitzen delako: “Langile batzuek ohiko lanaldia baino %10 gehiago egiten dute eta beste batzuek %50 gehiago”. Gainera, udan handitu egiten da zama, lankideen oporraldiak eta guardiak banatu behar direlako: “Asko gara, baina ordu pila bat dira”.
"Mediku faltari aurre egiteko Osasunbideak proposatzen duen konponbide bakarra produktibitate boluntarioa da"
Larrialdietako zerbitzua ezin bete
Mediku eskasiaren ondorioz, ez dira iristen hogeita lau orduz irekita dauden zentro batzuetako guardiak egitera. Gainera, ordainketa sistemarengatik, guardia batzuk beste batzuk baino erakargarriagoak dira. Urdazubi eremuko larrialdiak, esate baterako, ez dira horren errentagarriak langileentzat.
Horregatik, uztailaren 11n, 24an, 27an eta 31n, 15:20etik 08:00ak arte, Urdazubiko eremua medikurik gabe egon da eta Elizondotik eskaini dute osasun zerbitzua. “Egun askotan, ez daukagunez medikurik itxi behar izaten dugu eta zerbait egotekotan Elizondotik joan. Horrek esan nahi du ordu erdi baino gehiagoko bidaia dugula joateko eta itzultzeko. Ondorioz, Elizondoko zerbitzua hutsik geratzen da”. Gainera intzidentzia “handiko” lekua izaten da.
Urteak daramatzate horrelako lan baldintzak salatzen, eta beste bailara batzuetan ere egoera kritikoan daude; hala nola Bortzirietan eta Leitzan.
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]
Sozioluinguistika Klusterrak, zenbait erakunderen laguntzarekin eta Asier Amezaga, Eduardo Apodaka eta Asier Basurtok landutako lanean, Itzulinguru izeneko proiektuaren emaitzak argitaratu ditu. Itzultzaile neuronalek (azken belaunaldiko itzultzaile automatikoak, zeinak euskaraz... [+]
Otsailaren 13a Torturaren Kontrako eguna izanki, Euskal Herriko Torturaren Sareak gutun publiko bat igorri du. Poliziek torturatu euskal jendeen lekukotasunak bildu, eta aitortza egiteko xedea du sare berri horrek Euskal Herri osoan. Torturatuak izan diren 5.000 pertsonei... [+]
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
.jpg)
Larunbat honetan itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz... [+]