Hiru familia etxegabetu ditu Berakah-k, Gasteizko elizaren gizarte ekintzak, urtebetean
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Berakah Gasteizko Santa Maria eta San Bizente Martiriaren parrokietako gizarte ekintza da eta hainbat zerbitzu eskaintzen ditu baliabiderik ez duten herritarrentzat, hala nola, etxebizitzak, jantokiak, elikadura bankuak, gaztelera klaseak eta aholkularitza juridikoa. Baliabideak banatzeko eta kudeatzeko orduan “praktika arbitrarioak eta subjektiboak” dituztela salatu du, ordea, Auzoan Bizi Etxebizitza Sareak.
Berakah-ko etxebizitza programan zegoen joan den ostegunean etxegabetu zuten familia, baina, fundazioaren “neurri irregularrak” salatu ostean kaleratu dituzte. Etxebizitza Sareak adierazi duenaren arabera, familiari elektrizitatea ordaintzea exijitzen zieten ordainagiririk erakutsi gabe. Neurri honi eta beste zenbait “sumisio exigentziari” uko egin zion familiak eta Berakah-k beste zerbitzuetarako sarbidea ukatu zion, elikadurarena eta arroparena esaterako, salatu dutenez. Etxetik joatea bultzateko praktika hori behin baino gehiagotan gertatu izan da, hango erabiltzaileek Hala Bediren azpiko bideo erreportajean azaldu dutenaren arabera (zati batzuk gaztelaniaz).
Auzoan Bizi Etxebizitza Sareak salatu du ohikoak direla jarduera irregularrak, txantaiak, argi eta ur mozketak, kontratu faltsuak, eta antzeko praktikak. Mugimenduak etxebizitza alternatiba lortu du familiarentzat Gasteizko Alde Zaharrean. Hala eta guztiz ere, “egiturazko arazo” bat dela azpimarratu dute, eta salatu dute etxebizitza merkantzia den bitartean, ez dela “eskubide” izango.
Doako etxebizitzaren alde
Euskal Herriko etxebizitza sindikatu guztiek batera deituta, etxebizitza eskubidearen aldeko mobilizazioa egingo dute abenduaren 14an, Bilbon. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzeko deia egin dute. “Etxebizitza eskubidea bermatu, negozioari ez!” lelopean aurkeztu dute deialdia.
Euskal Herriko Etxebizitza Sindikatu Sozialistak, AZETek, Batu Elkarlaguntza Sareak, Saretxek, Haritu Elkarlaguntza Sareak, Galdakaoko Elkarlaguntza Sareak eta Gasteizko Auzoan Bizik-ek egin dute deialdia.
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]