Hiru egunez luzatuko diren jardunaldiekin emango dio hasiera Birjabetze Kolektiboak bere ibilbideari
Abenduaren 27tik 29ra jardunaldiak antolatu ditu Birjabetze Kolektiboak, besteak beste, Irungo Lakasita, Grup d’Habitatge edo Gasteizko Alde Zaharreko esperientziak elkarbanatzeko. Orain dela aste batzuk sortu zen kolektiboak “kapitalarekiko menpekotasunari modu kolektiboan erantzuteko” asmoa dauka.
Birjabetze Kolektiboa sortu zen orain dela aste batzuk Gasteizen, “kapitalarekiko menpekotasunari modu kolektiboan erantzuteko” asmoarekin. Birjabetzea aipatzen dute, “lapurtu diguten guztia berreskuratzeko” helburua dutelako. Kolektiboa, berriz, antolatuta daudelako, eta “edozein alternatiba indibidualistaren aurrean, elkartasuna gure praktikaren erdigunean kokatzen dugulako”.
Beren helburuek asistentzialismoan erortzeko daukaten arriskuaz jakitun, ahalduntze kolektiboa sustatuko dute. “Instituzioen hutsuneak betetzea ez da gure eginkizuna, ezta eskubide soilen aldarrikapena egitea ere; gure egitekoa, beraz, bizitzaren sostengurako behar ditugun elementuak autoantolakuntzaren eta autogestioaren bitartez bermatzea da”.
Elkartasun sare hau garatzen hasteko lehen pausoak Okupazio Bulegoaren bidez emango dituztela jakinarazi dute. Jabetza pribatuaren birjabetze kolektiborako, jakintza tekniko eta juridikoak partekatu eta elkartasun ekonomiko-materialetik abiatuko dira. Hala, babesa eskaini diete etxe baten beharra kolektiboki landu nahi duten guztiei.
Espropiazioaren erabilera taktikoa, birjabetutako baliabideen defentsa, komunitatea, ezberdinen arteko harremantzea…
Erritmoa hartzeko lehenengo ekimenetako bat abenduaren 27tik 29ra ospatuko dituzten jardunaldiak izango dira. Okupazio esperientziak, autodefentsa, esperientzia ezberdinak, tailerrak… egongo dira Gaztetxean, Auzolanan, Andagoia bodegan, Gasteiz Txikin eta Zapateneon.
Osteguna 27
18:00 | Gasteizko Gaztetxean: “EH-ko okupazio esperientziak: Arrigorriagako Gaztetxea, Lekeitioko Mozolomendi eta Irungo Lakasita”
Ostirala 28
11:00 | Zapateneon: “Okupazioa eta Autodefentsa: mugak eta zerumugak” hitzaldia
18:00 | Gasteiz Txikin: “Alde Zaharreko berregituratze planak aztertuz” hitzaldia
Larunbata 29
11:30 | Andagoia bodegan (Errota): ‘Conociendo la experiencia del Grup d’Habitatge (grupo de vivienda) de Sants (Barcelona)‘.
15:00 | Auzolana Pilotalekuan: Herri Bazkaria (tiketak Hala Bedi Tabernan) eta kontzertu akustikoa
17:00 | Seriegrafia tailerra Gaztetxean
20:00 | Jaialdia Gaztetxean
Albiste hau Hala Bedik argitaratu du eta Creative Commons lizentziari esker ekarri dugu.
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.