Hiru adingabeko familia bat etxegabetu dute Gasteizen
Etxebizitza Sindikatuak jakitera eman duenez, ostegun honetako eguerdian, hiru adingabe dituen familia bat etxegabetu du Udaltzaingoak, Gasteizko San Martin auzoko Pablo Neruda kalean.
Ostegun honetako goizean, hiru adingabe dituen familia bat Etxebizitza Sindikatuarekin jarri da harremanetan, "desesperatuta". Sindikatuko kideek azaldu dutenez, Pablo Neruda kaleko 3. zenbakira bertaratu direnean, Udaltzaingoaren dispositibo bat zegoen han, familiaren etxegabetzea gauzatzen.
Sindikatuaren arabera, familiak hileko alokairuaren ordainketa batzuk zor zizkion eraikinaren jabeari. "Hamar etxebizitza baino gutxiago izateagatik, jabea ez dute jabe handitzat aintzat hartzen, eta, beraz, etxegabetze prozedura epe oso laburrean egin ahal izan du", azaldu du Etxebizitza Sindikatuak.
Testuinguru horretan, udaltzainak eta epaileak etxebizitzara joan dira, eta atea bota dute familia etxetik ateratzeko. Etxebizitza Sindikatua, jasotako deiari erantzunez, etxegabetutako familia "babestu, lagundu eta aholkatzera" hurbildu da, baina, salatu dutenez, Udaltzaingoak "uneoro" galarazi die etxera hurbiltzea.
"Ez diete inolako bizileku aukerarik eskaini, eta ordubete baino gutxiagoan ahal zuten guztia jaso eta etxetik alde egin behar izan dute", deitoratu dute sindikatuko kideek. "Ez digute utzi gure lana egiten. Azkenik, ahal izan dugun guztia jaso dugu, eta familiari Larrialdietako Gizarte Zerbitzuetara lagunduko diogu, egoeraren berri emateko eta bizileku aukera duina eskatzeko".
Kaleratzeen moratoria
Etxebizitzaren Sindikatuak gogorarazi du Espainiako Gobernuak kaleratzeak aldi baterako geldiarazten zituen eta horniduren mozketak debekatzen dituen dekretua onartu zuela abenduaren 22an, eta, hala ere, horiek gauzatzen jarraitzen dutela ohartarazi dute. "Gure hirian isilean eta ia jakin gabe exekutatzen dira. Urtea hasi zenetik maiatzera arte, 40 etxegabetze gauzatu ziren gure hirian; hau da, kaleratze bat hiru egunean behin", salatu dute.
Beste kritika batzuen artean, Etxebizitza Sindikatuak ohartarazi du, kasu honetan bezala, "jabe txiki" deiturikoen etxebizitzetan bizi diren pertsonek ezin dutela moratorioarik eskatu, eta "erabateko babesgabetasun egoeran" geratzen direla.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Belako, Chill Mafia, Eñaut Elorrieta, Fermin Muguruza, Ibil Bedi, J Martina, ØDEI, Olaia Inziarte, Nøgen eta Tatxers daude sinatzaileen artean. 237 musikariren zerrenda argitaratu dute.
Itzal(iko) bagina
Taldea: Lokatz Loreak.
Aktoreak: Araitz Katarain, Janire Arrizabalaga eta Izaro Bilbao.
Zuzendaria: Iraitz Lizarraga.
Noiz: otsailaren 2an.
Non: Usurbilgo Sutegi aretoan.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Lauzpabost pertsonak osatutako talde batek jo egin zituzten baita irain homofoboak egin ere.
Le Tampographe Sardon enpresak salgai ezarria du 24 laidoko zigilu-kutxa. Sarean eskuragarri da. Ximun Fuchs aktoreak du hautaketa lana egin, irainak "lan tresna" baitira beretzat.
Aktibisten ezinegonak bildu, eta horiek kolektiboki lantzeko gida bat sortu dute zenbait aktibistek. Besteak beste, estresa, beldurra, frustrazioa eta nekea landu dituzte.