Hiriko auto elektrikoaren sustatzaileen kontra kereila kriminala jarri du Arabako fiskalak
Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.
Josu Izaguirre Arabako fiskal nagusiak kereila kriminala jarri du Hirikon parte hartu zuten sozietate publiko eta enpresen sei arduradunen kontra, dirua zuritu, bidegabe erabili eta iruzurra egiteagatik. Gasteizko instrukzioko 3. epaitegiaren esku utzi du dokumentazio guztia.
Hiriko proiektuak auto elektrikoen prototipoak egitea zuen helburu eta horretarako erakunde publikoetatik 17,7 milioi euro –Espainiako Gobernuak 15 milioi eta Eusko Jaurlaritzak 2,7 milioi– jaso zituen hura sustatu zuen arabar enpresari taldeak. 2010ean eta 2011n izan zen hori, Zapateroren Gobernua EAJrekin Estatuko aurrekontuak negoziatzen ari zen unean.
Ezaguna da proiektuaren bihotzean EAJ alderdiko kideak aritu direla. Proiektua bultzatu zuen merkaritza-sozietate nagusia Afypaida izan zen, Jesus Echave EAJko kidea presidente zuela. Era berean, kontsorzioan parte hartu zuten zenbait ingeniaritza enpresa sortu berrik, baita Massachusettseko Teknologia Institutuak eta Dennokin Berrikuntza zentroak ere.
Hirikok prototipo bakarra aurkeztu zuen Bruselan, Durao Barroso Europako Batzordeko Presidentea ohorezko gonbidatu zuela. Ondoren hondoa jo zuen eta bere 21 langileei soldata ordaintzeari utzi zion. Administrazio publikoetatik jasotako dirutza baina ez zuen inork inoiz gehiago ikusi.
Sozietateak hartzekodunen konkurtsoa aurkeztu zuenean azaleratu ziren gastu desorbitatuak eta justifikatu gabeak. Hala, esaterako, Jesus Echave jabe zen Universal Araba enpresak Afypaidari –Echave bera presidente zen sozietateari– bulegoak alokatu zizkion 328.000 euroren truke.
Gertatutakoa jakiteko ikerketa batzordea eratu zen Eusko Legebiltzarrean 2014an eta ondorioztatu zuten 2007an Ana Agirre EAJko sailburua buru zuen Sustapen Ekonomikorako Euskal Kontseiluak izan zuela auzi horren erantzukizun politikoa.
Patenteen inguruko salaketa artxibatua
Hirikok garatutako teknologia eta patenteak "salgai" jarri dituzte eta Arabako EH Bilduk salatu du diru publikoz lorturiko “ezagutza” hori enpresa pribatu baten eskuetan uzteko asmoa dagoela, zehazki sortu berria den Tokiko Engineering litzateke enpresa hori. Bada, fiskalak koalizio abertzalearen salaketa artxibatu egin du.
Hiriko proiektutik momentu honetan geratzen den baliozko ondare bakarra patente horiek dira.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]