Hiriburukoa ez dadila errepikatu
Prefekturatik mezua: “Segurtasun alerta: Hiriburuko Aturri kolegioaren inguruan segurtasun perimetroa, polizia operazio baten harira”. Kontuan hartu beharreko mezua, baina distantziarekin hartu beharrekoa, Frantzian omnipresente den beldurraren eta barne-etsaiaren eraikuntza prozesua kontuan harturik. Alta, berehala komunikabideetan zen gaia, albiste garrantzitsuenei bideratzen zaien espazioa eskainiz. Guztietan: ez soilik Bfmtv gisako kapitalaren eskuetan diren mainstream komunikabideetan, ez-ez, euskal komunikabideek ere jarri dute lehen lerroan. “Bi ikaslek bi pertsona ikusi dituzte tapiza baten gainean otoitzean eta sartu lirateke kolegiora, bizkarreko zaku batekin”. Eraiki da panorama, inolako hausnarketa-distantziarik gabe zabaldu da mehatxu hipotetikoa, musulmanei lotuz lanjerra eta armadak babesturiko ikasleen irudiak zabalduz lau haizetara: arriskua/musulmana vs segurtasuna/Estatua. Laster jakin zen bi pertsonak ez zirela atzeman ikastetxean, eta hortik gutxira bagenuen prefekturaren baieztapena: “Frogatua da ez direla kolegiora sartu eta otoitza bazela, lanean hasi aitzin bi langilek buruturikoa” –haien kultu askatasunari segi, Allah agurtuz eta ingurukoak bakean utziz–. Baina berantegi zen: musulman arriskutsuaren irudia barreiatua zen. Harrigarria, kezkagarria eta gogoetagarria urriaren 21ean gertatutakoa. Lagun irakasle batekin mintzo, oinarrian zegoen informazioa ikusirik, kolegioak segurtasun neurriak bideratu izana ulergarri zitzaion. Mahomaren karikaturak erakusteagatik dekapitatua izandako Samuel Patty irakaslearen itzala hor da, nola ez. Ez noa hortik. Harrigarria, kezkagarria eta gogoetagarria urriaren 21eko kazetarien jarrera.
Frantzian dagoen giroa ikusita, musulmana terrorismoari lotzeko norabidea kontuan harturik, terrorismoaren mehatxupean (sic) mugek hetsirik segitzen dutenean eta trenek etorkinen biziak lapurtzen dituzten honetan, kazetariok isiltasun tarte bat hartzeko ardura daukagu: informazioa jaso, ikertu eta egiaztatutakoan zabaldu. Frantziako presidentzialak ditugu laster. Botoen arrantzan, beste behin gaina hartuko dute beldurraren giroak eta islamofobiak. Kazetariok ezin dugu Hiriburun bezala aritu. Eragin handiegia dugu jendartean eta jendean, gisa horretara aritzeko.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Irailetik aurrera, ikastetxe publikoetan abayah janztea debekatuta izango dute ikasleek Frantziako Estatuan. Neska musulman ugarik soinean eraman ohi duen tunika edo bata modukoa da abayah. Laikotasunaren defentsa ala islamofobia, hautsak harrotu ditu erabakiak.
Beloa zeraman emakume bati “historiaurrean bezala” jantzita zihoala esan eta Hendaiako jatetxe batean sartzea eragotzi zion jabeak. Semeak bideoan grabatu zuen gertatutakoa eta diskriminazioagatik epaituko dute orain jabea.
Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa... [+]
Musulmanak Indian koronabirusa zabaldu nahian ari direla diote zenbait nazionalista hinduk; “korona yihada” egitea egozten diete. Pandemiaren aurretik ere Delhiko zenbait auzotan musulmanen aurkako zenbait eraso egin zituzten hinduek; koronabirusaren krisiak areagotu... [+]
Joan den igandetik, otsailaren 23a, Delhiko kaleetan iskanbilek ez dute etenik. Komunitate musulmana baztertzen duen lege berri baten aurkako protestei nazionalista hinduak oldartu zaizkie, eta musulmanak bizi diren auzoetan biolentzia piztu da.
Iskanbilen arrazoia Indiako gobernuak onartutako Herritartasun Akta da, zeinek errefuxiatu estatusa onartu dion Hego Asiako erlijio nagusietako jendeari musulmanei izan ezik. Musulmanek lege horren aurka egindako protestei aurka eginez, hinduek hiru egunean zehar meskitak... [+]
Meskita dagoen auzoko herritar eta elkarte batzuek osatu kolektiboak antolatu du "elkartasunezko eta bakearen aldeko martxa". SOS Arrazakeria elkarteak ere bat egin du mobilizazioarekin. Baionako Gaskoien plazatik abiatuko da igandean 14:30ean.
Asteazken honetan jakinarazi ditu Baionako prokuradoreak Claude Sinkéri egindako proba psikiatrikoaren emaitzak. Azterketaren arabera, astelehenean Baionako meskitaren aurka egindako atentatuaren ustezko egileak ez zeukan kontrolik, hein batean behintzat, bere ekintzen... [+]
Gizon batek molotov koktela jaurti du gaur Baionako meskitara, eta tiroketari ekin. Balaz zauritu ditu bi pertsona, eta larri dago horietako bat. Frantziako Poliziak Landetan atxilotu du erasotzailea.
Islamofobiaren Kontrako Musulmanak elkarteak Bizkaiko fiskaltzan salaketa jarri du Yolanda Couceiroren kontra, immigrazioaren eta Islamaren inguruan egindako adierazpenengatik. PPk bere zerrendetan hautagai izatea eskaini dio Portugaleten jaiotako ultraeskuindarrari.
