“Hiria irauli” lelopean, okupazioaren eta autogestioaren aldarria kalera aterako dute Bilbon
Aurten ere okupazioaren eta autogestioaren aldeko mezuak "agerpen masiborik" izango ez duela iritzirik, eragile eta norbanakoek bat egin dute "Hiria Irauli" egitaraua osatzeko. Irailaren 4, 5 eta 11rako ekintza bana antolatu dute.
Osasun egoera medio, iaz ez zen Aste Nagusirik ospatu Bilbon. Aurten, jai egunen aitzakian, Konpartsek Bilboko Irria kulturaldia antolatu dute, "elkar-zaintzaren filosofian" oinarrituta eta "osasun-neurri guztiak betez". Hilabeteetako lanaren ondotik, abuztuaren 20ko ostiralez egindako prentsaurrekoan aurkeztu zuten jendaurrean abuztuaren 25etik 29ra arteko egitaraua. Agerraldiak, baina, salaketa tonua izan zuen: Konpartsek jakinarazi zuten Bilboko Udalak irizpide arbitrarioekin hainbat ekitaldi atzera bota dizkiela.
"Azkenean, birria bat…", adierazi dute Hiria Irauli antolatu dutenek. Aste Nagusiko egunetan okupazioaren eta autogestioaren aldeko mezuak "agerpen masiborik" edukiko ez duela iritzirik, eta "frente kultural propioak sortu eta bermatzea" beharrezkotzat jota, egitarau propioa osatzeko bat egin dute okupazioa eta autogestioa jorratzen duten hainbat eragile eta norbanakok. Emaitza: irailaren 4tik 11ra arteko egitaraua, hiru ekimen barnebiltzen dituena. "Sakontasun politikoa bai, baina baita sozializazio festiboa ere uztartuko dauzen ekimenak izango dira, espazio inklusibo eta askeak sortzeko irrikarekin", aurreratu dute antolatzaileek.
Hiria Irauli irailaren 4an abiatuko da, Deustuko Erriberan gauzatuko den Bilboko V. Mundialito Antiarrazistarekin; 10:00etan hasita, futbol eta 3×3 saskibaloi partidak jokatuko dira. Biharamunean, 10:00etan Autodefentsaren Bizi-Jira abiatuko da hirian zehar, bizikletan paseoa egin bitartean Bilboko gatazka desberdinen oraina eta etorkizuna ezagutzeko tartea hartuz. Egitaraua irailaren 11an Kobetamendiko Parkean egingo den Kopetaraino topaketak itxiko du; kaleko irratsaioak, herri azokak zein emanaldi kulturalek beteko dute eguna.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.