Paris bezalako hiritzarrean bizimodua indibidualista, erritmo azkarrekoa eta zakarra izan daiteke, baina auzoa –eta auzoko zerbitzuak– biziberritu, bertako harreman sarea indartu eta elkarren arteko laguntza bultzatuz, bestelakoa da errealitatea. Hala frogatu dute Parisko 14. distrituko bizilagunek.
2017an abiatu zuten Hiperbizilagunen Errepublika: mahai bat bestearen alboan, 215 metro luze eta 648 aulki zituen bazkaria antolatu zuten, etxean prestaturiko jakiz osatua. Kalea bizilagunena zela aldarrikatzeko lehen urratsa izan zen.
Ordutik, 50 bat kale hartzen dituen gune honetan elkarren artean laguntzeko, gauzak eta zerbitzuak trukatzeko eta elkarrekin egoteko proiektuak sustatzen dituzte, elkartzeko ekimenak antolatuz (gosariak, haur-jolasak, kultur jarduerak…), ikastaroak emanez, apurtutako aparailuak konpondu edo bigarren eskuko objektuak saltzeko whatsapp taldeak sortuz… Pandemia garaian, adibidez, bizilagun zaurgarrienei erosketak egiteko taldea sortu zuten.
Hiri barruan, herri giroa
The Guardianen erreportajean kontatu dutenez, auzokideek diote hiri batean bizi arren “herriko giroa” sortu nahi dutela, bizimodu anonimo eta bakartien kontra, eta helburua ez dela soilik giro atsegina lortzea, etorkizunerako faktore ekonomiko eta sozial indartsua ere badela horrela jardutea. Lau zutabe dituzte ardatz: ingurumena, osasuna, espazio publikoa eta mugikortasuna.
Ekimen anbiziotsuak dituzte tartean. Osasun zentro bat jarriko dute martxan auzoan, bizikleta elektrikoak erosiko dituzte bizilagunentzat, eta gustuko ez dituzten komertzioei zerga kobratu ahal izatea ari dira aztertzen, bertako jendeari zerbitzu emango dieten dendak nahi dituztelako, ez turistengan pentsatuz irekitzen direnak. Espazio publikoaren antolaketari eta berreskuratzeari begira, errepidez inguratutako eremu abandonatua garbitu, oinezkoentzako egin, landareak landatu eta plaza bizi bilakatu dute berriki.
Asmoa ez da Hiperbizilagunen Errepublika bere horretan beste leku batzuetan errepikatzea, leku bakoitzak eredua bere egin eta bere errealitatera moldatzea baizik. Baina filosofia garbia du atzean: dena eskura izango duen auzoa, bizilagun sare trinkoa lortzen duena komunitate indartsua dela sinetsita.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Udazkena etorri da aurten, ni fede handirik gabe nengoen arren. Ez dakit zein mirari tarteko, hostoek erabaki dute orbel bilakatzea; eta jantzi egin dituzte bideak eta bazterrak, gorriz, laranjaz, horiz eta berdez. Zuhaitz guztiek bat egin dute manifestazio erraldoian, baita... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Texas Observer AEBetako irabazi asmorik gabeko hedabide aurrerakoi bat da, 1954an sortua. 2022ko udazkenean, Elon Muskek Twitter erosi zuenean, Mastodoneko zerbitzari propio bat (texasobserver.social) sortu zutelako egin ziren ezagunak sare sozial libre eta deszentralizatuen... [+]
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]