“Hilean ia 1.000 ebakuntza prozedura gutxiago egin ditugu”
COVID-19a ez den beste gaixotasunen diagnostikoan, ebakuntzetan, itxaron zerrendetan, baliabideetan… nola eragin du pandemiaren seigarren olatuak? Donostiako Ospitaleko argazkia egin du bertako zuzendari medikoak Euskadi Irratian.
Idoia Gurrutxaga zuzendari medikoak kontatu duenez, seigarren olatu honetan batez beste 130-150 lagun izan dituzte COVID-19agatik ospitaleratuta, “nahiz eta azken astean jaitsiera pixka bat ikusi dugun eta gaur 118 paziente ditugun ingresatuta, horietako heren bat ZIUetan”.
ZIUetako gehiengoa, txertatu gabea
Gurrutxagaren esanetan, “ZIUetan ditugun bi herenak txertatu gabeak dira, eta beste herena dira edo txertaketa pauta osoa jaso ez dutenak, edo immunitate sistema ahulduta dutenak bestelako gaixotasunen bat dutelako edo tratamendu bat hartzen ari direlako. Plantan proportzio berak errepikatzen dira. Oraindik txertatu gabeak asko dira eta hori landu behar dugula uste dut”.
Beste gaixotasunetan, eragin inportantea
“Seigarren olatua txarrena izan da guretzat”, dio, pandemiari erantzuteko giza-baliabideak eta baliabide materialak egokitu behar izan dituztelako (“anestesistak, erizainak, ohe post-kirurgikoak, bizkortze unitateak, solairuak… beste egitura batzuetatik hartu behar izan ditugu”) eta ondorioz eragin inportantea izan duelako zainketa kritikoak behar dituzten COVID ez diren patologien artatzean, zerrenda kirurgikoetan eta bestelakoetan.
Gaixo kronikoen arreta, okertuta
Datutan, azaro amaieratik 39 lanaldi kirurgiko zituzten egunero, eta 19 lanaldira murriztu behar izan dute. “Hilean ia 1.000 ebakuntza prozedura gutxiago egin ditugu eta ondorioz, itxaron zerrenda kirurgikoak okerrera egin du: lehen batez besteko atzerapena 49 egunekoa zen eta gaur 74 egunekoa. Ebakuntzez aparte, COVID ez bestelako patologiak dituzten pazienteek euren arreta okertua ikusi dute, hala nola gaixo kronikoek”.
“Ebakuntza onkologiko atzeraezin eta urgenteak egiten ari gara, baina ebakuntza baino bi egun lehenago PCRa egiten diogu eta positibo ematen badu, 6-7 aste atzeratzen da ebakuntza, COVIDean positibo den pazienteari ebakuntza eginez gero hiltzeko arriskua %4ra igotzen delako, eta ebakuntza bertan behera geratzeak, noski, ondorioak ekar ditzake bere pronostikoan”.
Diagnostiko berrien atzerapenaz ere mintzatu da zuzendaria: “Laugarren olatutik hona lortu dugu diagnostikoak nahikoa eguneratzea, baina dudarik gabe batzuek osasun sistemara sartzeko duten zailtasunagatik, atzerapenak azaleratuko dira”.
Lehen Arreta kolapsatuta egonik, jendea ospitalera
Lehen Arretaren egoerak ere eragina izan du ospitaleetan. Pazienteek zailtasunak dituzte lehen mailako arretan artatuak izateko, atzerapenak jasaten ari dira, “eta ondorioz bai larrialdi zerbitzuetara bai ospitalez kanpoko etengabeko arreta guneetara jo dute gaixoek, eta beraz ospitalera”.
EAE eta bereziki Gipuzkoa oso gogor jo du seigarren olatuak. Zergatik? “Galdera hau askotan egin dugu, baina ebidentzian oinarritutako arrazoirik ez daukagu”, erantzun dio zuzendari medikoak Iñaki Guridi Euskadi Irratiko kazetariari.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.