Hilaren 21ean epaituko dituzte hiru lagun Gasteizen, etxegabetze bati aurre egiteagatik
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
Errepresioaren aurrean klase-elkartasuna lelopean, otsailaren 21ean Gasteizen (Araba) mobilizatzeko deia egin du Euskal Herriko Etxebizitza Sindikatu Sozialistak. Izan ere, egun horretan epaituko dituzte hiru pertsona Gasteizko epaitegian, duela lau urte etxegabetze bati aurre egiteagatik. Zigor altuak eskatzen dituzte haientzat: lau urte eta erdira arteko espetxe-zigorrak eta 25.000 eurorainoko isunak. Epaiketaren egunean, beraz, 10:30ean epaitegi aurrean elkarretaratzera deitu dute, auzipetuei babesa emateko.
2021eko urtarrilaren 26an, Herrandarren kaleko etxebizitza birjabetuak hustu eta hamabost lagun etxegabetu zituzten polizia-indarrek; tartean, hainbat familia eta adingabe. Gasteizko Etxebizitza Sindikatuak, baina, etxe-kaleratzearen kontra protesta egitera deitu zuen, eta jende ugari bertaratu zen huste-arriskuan zeuden etxeak defendatzeko asmoz. Ertzaintza bortizki oldartu zitzaien: gutxienez lau pertsona zauritu eta ospitalera bidali zituzten poliziek, eta hiru kide atxilotu zituzten.
70.000 euroko isunak eta deportazio saiakera bat aurrez
Prozesu judizial horretaz gain, aurretik, Gasteizko Etxebizitza Sindikatuak 70.000 euroko isunei egin behar izan die aurre, etxe-kaleratze berari lotuta. Egun horretan bere etxea defendatzeagatik atxilotu zuten kideetako bat, gainera, deportatzen saiatu zen Polizia. "Sindikatuak eragindako presioari esker, deportazioa etetea lortu genuen", ekarri dute gogora sindikatuko militanteek.
Hutsik jarraitzen dute Herrandarren kaleko etxeek
Euskal Herriko Etxebizitza Sindikatu Sozialistak jakinarazi duenez, 2021ean desalojo biolentoaren bidez hustutako etxeetan ez da inor bizi gaur egun. "Batzuen espekulatzeko eskubidea bermatzeko, familiak kaleratzen dira, etxeak hainbat urtez hutsik mantentzen dira eta elkartasunean antolatzen direnak gogor zigortuak dira", salatu du: "Jabetza pribatuaren defentsan, haien esku dauden mekanismo errepresibo guztiak erabiltzeko prest daude instituzioak, poliziak edo jabeak".
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]