Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
Forestal Bejarano e Hijo SL enpresarako ari zen lanean hildako gaztea, Artzentales herriko (Bizkaia) El Peso mendian. Enbor batek kolpatu zuen pinuak mozten ari zela, ELA sindikatuak ohar bidez jakinarazi duenez. “Basogintzaren sektorean ezbehar tasa oso altua da, urtero egoten da lan istripu hilgarriren bat”, salatu du sindikatuak, 2021etik sektore horretan hamabi langile hil direla azpimarratuta. “Pisu handiek, lan gainkargek, erritmo hain zorrotzek edo iristeko zailak eta malda handikoak diren lekuetan erabiltzen diren makina astun eta arriskutsuek” basogintza lana arriskutsu bilakatzen dutela azaldu du.
Hildako 22 langile 2024an
Artzentalesen zendutakoa aurten lanean hiltzen den 22. langilea da LAB sindikatuaren erregistroaren arabera. Urtarrilaren 6an hil zen lehena, Zaragozan (Aragoi) lanena ari zela. 22 horietatik bi hil dira Araban, lau Bizkaian, sei Gipuzkoan, zazpi Nafarroan eta hiru Euskal Herritik kanpo ari zirela (Lapurdin, Behe Nafarroan eta Xiberoan ez da langilerik hil).
ELA sindikatuak kontzentrazioa egin du eguerdian, Zallako Euskadi enparantzan, “enpresen zigorgabetasuna eta laneko heriotza onartezinak ahalbidetzen dituzten erakundeen konplizitatea salatzeko”.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.
Urtea hasi denetik lanean hildako zazpigarren langilea da. Astebeteko epean, bost behargin zendu dira.
Arriben, Muxikan eta Funesen gertatu dira lan istripuak. Azkena izan da Arribekoa, astelehen honetan gizon bat zortzi metrotik erorita hil ostean.
Bi langile hil dira asteartean lan istripu banatan. Aurtengo lehen lan heriotzak izan dira, biak Bizkaian. Lehen istripua Santurtzin gertatu da, goizaldean, kamioi baten kabinak su hartu ostean. Bigarrena arratsaldean jazo da Trapagaranen, Ugarte industriaguneko lantegi batean... [+]
LAB sindikatuak egiten duen kontaketaren arabera, sei egunetik behin langile bat hil zen iaz Euskal Herrian. Osalanen eta Nafarroako Gobernuaren estatistiken arabera, urtarriletik azarora guztira 46.451 lan istripu izan ziren iaz Hego Euskal Herrian.
Hiru arrantzaleetatik bi desagertuta daude, eta erreskatatu dutena Baionako ospitalean artatu dute, hipotermiak jota.
Astilleros Murueta ontziolan 64 urteko behargina hil da asteartean, metalezko xafla handi bat gainera erori zaionean. LABek egiten duen kontaketaren arabera jadanik 53 dira Euskal Herrian lanean ari zirela aurten hildako pertsonak. Sindikatuek mobilizazioak iragarri dituzte... [+]