Gurasoen protestak berriz ere, jangeletako janarien kalitate txarra salatzeko
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa zegoelako. Biek ala biek eskatu diote Hezkuntza Sailari eten dezala Serunion enpresarekin duen kontratua, eta Eusko Jaurlaritzak iragarri du espedientea irekiko diola.
Berriz ere arazoak jangeletan. Oraingoa Hernanin (Gipuzkoa) eta Duranan (Araba). Hernaniko Langile Ikastolako gurasoek argitaratutako ohar batean azaldu dute Eusko Jaurlaritzatik mezu bat iritsi zela jangelara, lehen platera ez zerbitzatzeko abisuarekin. Ordurako, begiraleek “kaltetutako janaria” jana zuten, eta adierazi dute haurretako batek har bat aurkitu duela bere platerean. Lakuako Hezkuntza Sailari zerbitzuaz arduratzen den Serunion enpresarekin kontratua eten dezala eskatu diote, emandako janariaren kalitate txarragatik.
Langile Ikastolako gurasoek eginiko adierazpenetan azaldu dute Serunion enpresak eskaintzen dituen elikagaiak “makroenpresen” esku daudela: “Irabazi ekonomikoak lehenesten dituztenen esku utzi da gure haurren elikadura. Zein prezio jarri diote gure haurren osasunari?”. Gogora ekarri dute haur askorentzat jangela zerbitzua “aukera bakarra” dela eta “premiazkoa” dela “kalitatezkoa eta osasuntsua” den zerbitzua eskaintzea.
“Gertatutakoa eredu oso baten isla eta ondorio” dela azpimarratu dute Langile Ikastolako gurasoek, eta egoera salatzeko protesta egin dute igandean Hernaniko Gudarien plazan. Dozenaka herritar bertaratu dira babesa ematera, eta ikastolako gurasoek adierazi dute astelehen honetatik aurrera eurek bermatuko dutela haur guztientzako “janari duin eta osasungarria” eskaintzea: “Gure haurren elikagaiei buruzko eredu propioa landu nahi dugu, Eusko Jaurlaritzaren zailtasun eta trabarik gabe”. Hala, gurasoek “erabakitzen” uztea eskatu dute.
Ez da kasu isolatu bat
Duranako Ikasbidea Ikastola (Araba) zentro publikoan ere bestelako arazoak izaten ari dira Serunion enpresak eskaintzen duen janariarekin. Duela hilabete batzuk bertako janarian ere harrak aurkitu zituzten, eta joan den asteazkenean bigarren platera erretiratu behar izan dute, ohi baino garratzagoa zegoelako. Arabako Alea-k jaso duenez, janariaren kalitate txarraz harago, arazo zabalagoa barnebiltzen dute Arabako eskoletako jangelek: “Eraikitzen diren ikastetxe berrietan ez dute sukalderik jartzen, eta sukaldea duten ikastetxeetan gela huts bat izaten da, altzairurik gabe eta egokitu gabe”.
Jaurlaritza
Jokin Bildarratz Euskal Autonomia Erkidegoko Hezkuntza sailburuak larunbatean adierazi du espedientea irekiko zaiola dozenaka eskola publikoetan jantokien zerbitzua eskaintzeaz arduratzen den Serunion enpresari, azken egunotan Hernanin zein Duranan atzemandako janarien kalitate txarraren ondorioz. Hezkuntza Sailak dagoeneko ezarri dio zigor ekonomikoa.
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.
Euskal Herriko Ikasleen Gurasoen Elkarteak (EHIGE) artikulu honetan jakitera eman duenez, Eusko Jaurlaritzak EAEko ikastetxeetako jantokietarako argitaratu dituzten pleguak "caterin-enpresa handientzat pentsatutakoak dira". Alderdi pedagogikoan "ez dagoela... [+]
Maiatzaren 4tik, Hernaniko Txantxilla auzo inguruan dabilen edonork eraman dezake janari ontziratua etxera, deus ordaindu gabe. Aski da makinako botoia sakatzea, konpostagarria den ontzian bildutako errazioa hartzeko. Langile eta Aratz ikastetxeetako jangeletan sobratutakoa da... [+]