Sindikatuen arabera sukaldeko langileen %80k egin du bat deialdiarekin eta garbitzaileen %65ek. Sukaldetako ratioak eta garbitzeko metrajeak ez direla “egungo errealitateari egokitzen” salatu dute.
Ehunka lagunek egin dute bat Steilas, ELA eta LAB sindikatuek gaur hezkuntza publikoko garbitzaile eta sukaldarien arloan deituriko grebarekin. Eusko Jaurlaritzaren zuzeneko ardurapean dauden 470 sukaldari eta jangelako laguntzaile eta 330 garbitzaileri luzatu diete deialdia sindikatuek, lehenengoen %80 ez da lanera joan eta bigarrenen %65 ere ez.
Batez ere emakumeez osaturiko kolektibo horietan dauden lan-baldintza kaskarrak ezagutarazi dituzte kalera irten diren langileek: “iruzurrezkoak” diren laguntza kontratuak, ratio eta metraje ezegokiak, behin-behinekotasun tasa izugarria –kontratu guztien %63–, erosmen ahalmen galera handia azken urteetan…
“Gurea lanpostua fisikoa da, eta gogorra, baina laneko gaixotasun bakarra onartzen zaigu, tunel karpianoarena. Egun osoa zutik egoten gara, eta pisuarekin ere lan egiten dugu, baina hori ez da kontuan hartzen”, azaldu dio Lierni Telleria Zegamako sukaldariak Goierriko Hitzari.
Bestalde, sektorearen “pribatizatze arriskua” ere ikusten dute Eusko Jaurlaritzaren azkenaldiko neurriak direla-eta. EiTBren aurrean hitz egin du grebalarietako batek: “Eskatzen duguna da Jaurlaritza behingoz jesartzea eta proposamenak mahai gainean jartzea”.
Gaurko grebari oihartzuna emateko mobilizazioak eta ekintzak egin dituzte Gasteiz, Donostia eta Bilboko Hezkuntzako ordezkaritzen aurrean:
Hezkuntzan inbertitzen duten apurra ikusita, @Gob_eus eta @c_uriartetoledo-ren irudia ezin garbitu... #grebahezkuntzan pic.twitter.com/gOWQPRWnq2
— ELA Donostia (@ELAdonostia) 2017(e)ko azaroak 16
Sukaldari ta Garbitzaileen GREBAN. #GrebaHezkuntzan Argazkiak Bilboko giza katea Eusko Jaurlaritzara pic.twitter.com/4ou5RAfBUt
— STEILAS sindikatua (@STEILAS_) 2017(e)ko azaroak 16
Jarraipen zabala Hezkuntzako sukaldari eta garbitzaileen grebak. Orain mobilizazioak Bilbo, Donostia eta Gasteizen pic.twitter.com/rLyz8FDSsk
— #KataluniarekinBat (@LABsindikatua) 2017(e)ko azaroak 16
Hezkuntza publikoan udazken honetan egiten ari diren protesten bide-orrian arlokako bigarren greba izan da gaurkoa. Abenduaren 12an greba orokorra deitu dute ELA, LAB eta Steilasek. Egun horretan CCOOk ere greba egingo duela iragarri du.
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]