Hezkuntza publikoko irakasleen greba egunak %75eko jarraipena izan du, sindikatuen arabera
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi dute STEILAS, LAB, ELA eta CCOO sindikatu deitzaileek.
Urtarrilean abiaturiko greba zikloaren bigarren kolpea hasi berri dute hezkuntza publikoko langileek. Urtarril eta otsailean lau greba egun egin zituzten irakasleek, eta aste honen eta datorrenaren artean beste bost egunera daude deituta. Astearte honetan, jarraipen zabala nabarmendu dute sindikatuek, nahiz eta beste behin salatu duten Eusko Jaurlaritzak “gehiegizko zerbitzu minimoak” ezarri dituela.
Egun bat lehenago, espektatiba ugari piztu zuen Hezkuntza Sailaren eta sindikatuen arteko negoziaketak. Proposamen berria helarazi zien sailak langileen ordezkariei, eta luze aritu ziren bertako puntuak eztabaidatzen. Aurreakordio bat sinatzea eta horren bidez grebak bertan behera geratzea zuen helburu Eusko Jaurlaritzak, baina huts egin zuten negoziaketek.
Hezkuntza Saila “fede txarrez” aritu dela diote sindikatuek, mahai gainean jarri dieten proposamenari “eduki eta zehaztapenak txertatzeko exijitu zaienean” atzera egin duela sailak, eta “Hezkuntza Sailaren asmoa negoziaketak irudikatzea” izan dela.
Hezkuntza Sailak, aldiz, salatu du mobilizazioek "interes partikularrak defendatzen" dituztela eta "hezkuntza-sistema publikoari kalte" egiten diotela. "Grebak ez du justifikaziorik, neurriz kanpokoa eta arduragabea da", adierazi du. "Frogatuta gelditu da greba horrek ez duela zerikusirik hezkuntza-sistemaren hobekuntzarekin. Interes ekonomiko neurrigabeak eta helburu politikoak uztartzen dira eta ez dute laguntzen ikasleen kalitatezko hezkuntza lortzen, ezta zerbitzu publikoen funtzionamendu egokia lortzen ere", gehitu du.
Egun bat lehenago, aurreakordio bat sinatzea eta horren bidez grebak bertan behera geratzea zuen helburu Jaurlaritzak, baina huts egin zuten negoziaketek
Hitzarmena eguneratzeko aldarria
Urte honetan irakasleek egiten duten bosgarren greba egunean, milaka langile elkartu dira Bilbon egindako manifestazioan, Lan baldintzak hobetu, hemen eta orain erabakita lelopean. Sindikatuek eskaerak errepikatu dituzte, manifestazio aurreko agerraldian: “Lan zamak arintzea, plantillak gazteberritzeko plan egokia ezartzea, enplegu publikoa kontsolidatu eta bermatzea, eros-ahalmena berreskuratzea, lan osasuna zein euskara eta hezkidetza bermatzeko neurriak hartzea”.
“Hamabost urte dira hitzarmena eguneratu gabe, aski da”, azpimarratu dute, eta datozen egunetarako deituta dauden greba egunei eusteko asmoa berretsi dute.
Datozen egunetako mobilizazioak
Martxoak 26: 11:30ean manifestazioak lurraldeka, Bilbon (Arriaga plazatik), Gasteizen (Bilbo Plazatik) eta Donostian (Bulebarretik).
Martxoak 27: 11:30ean manifestazio zentralizatua Donostian, Bulebarretik.
Apirilak 1: 11:30ean manifestazioak lurraldeka Bilbon (Arriaga plazatik), Gasteizen (Bilbo Plazatik) eta Donostian (Bulebarretik).
Apirilak 2: 11:30ean manifestazio zentralizatua Gasteizen, Europa jauregitik.
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]
Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]