Hezkuntza publiko “indartsua” aldarrikatu dute sindikatuek aho batez Jaurlaritzaren murrizketen aurrean
Osasun krisiak aurretik ere beharrezkoak ziren neurriak “premiazkoak” bihurtu dituela adierazi dute. Baliabideak jartzera eta sindikatuekin negoziatzera deitu dute Jaurlaritza. Egin ezean, mobilizazioekin eta erantzun “sendoekin” erantzungo dutela ziurtatu dute.
Irakaskuntza arloko EAEko sindikatuek ohar bateratua argitaratu dute. Steilas, LAB, ELA, CCOO eta UGT sindikatuek Jaurlaritzaren Hezkuntza Saila murrizketak “inposatzen” ari dela salatu dute, haiek informatu ere egin gabe: “ IRALEko ikastaroetan, Euskal Girotze barnetegietan,ikastetxeetara helarazi diren lanpostu zerrendetan, ikastetxeetako beharren indizeek sortutako errefortzuetan...”. Murrizketak bidegabeak izateaz gain “inprobisatuak” ere izaten ari direla adierazi dute.
Norabidea aurkakoa izan behar duela iritzi diote sindikatuek, oro har zerbitzu publikoak babestuz eta zehazki hezkuntza publikoan “inbertituz”: “Hezkuntza publiko indartsu bat gizartean jatorriz dauden desorekak konpentsatzeko tresna aparta da”.
BPGren %6 hezkuntza publikorako
UNESCOren gomendioei jarraiki, BPGren %6 hezkuntzara bideratu dezala eskatu diote sindikatuek Jaurlaritzari, gogoratuz 2019 urtean %3,5 inbertitu zela soilik. Helburu hori betetzeko aurrekontuak moldatzea proposatu dute. COVID-19ak aurretik zeuden beharrak larriagotu dituela uste dute sindikatuek, eta aldarrikapen zerrenda mardula jaso dute: “Ratioak jaitsi eta langile kopurua handitzea, Haurreskolak Partzuergoko doakotasuna, hezkuntza premia berezirako baliabideak handitzea, baita Pedagogo Terapeutak eta HIPIak ere, behar diren garbitzaile, sukaldari eta jantokiko arduradunak bermatzea, langileen lan zama arintzeko neurriak hartzea, langileen erretiroa ahalbidetuko duen gazte-berritze plan bat abiaraztea, behin behineko langileen bermedun kontsolidazioa, kontziliaziorako neurri errealak bermatzea funtzionario, lan legepeko langile finko zein ordezko eta behin behinekoentzat, arrakala digitalari modu hobean erantzun ahal izateko beharrezko material zein formakuntza digitalari eustea, euskara errefortzurako programak indar ditzala…”
“Aurrean topatuko gaitu”
Neurri horiek guztiak garatzeko baliabideak eta negoziazioa aldarrikatu dute sindikatuek. Orain arteko murrizketen eta inposizioen bidea alboratu ezean, mobilizazioak eta erantzun “sendoak” iragarri dituzte: “Hori guztia aldatu ezean aurrean topatuko gaituela jakinarazten dugu!”
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]