Hezkuntza Legea “atzera botatzeko” mobilizazioa egin dute Donostian
Euskal Eskola Publikoaz Harro plataformak deituta, Hezkuntza Legeak “sistemaren pribatizazioan sakontzen” duela salatu dute Donostian hainbat eragilek.
Hezkuntza Lege proiektuaren aurkako mobilizazioa deitu du Euskal Eskola Publikoaz Harro plataformak igandean Donostian. Protestan parte hartu dute EHIGE —Euskal Herriko Gurasoen Elkartea—, HEIZE, eta Steilas, CCOO, ESK sindikatuek. Halaber, haien babesa adierazi dute Ikasle Sindikatuak, Ikasle Abertzaleak, Ikasle Ekintza eta Gazte Komunista antolakundeak.
“Eskola publikoak aurrean dituen erronkei erantzunik ematen ez dien legea” dela adierazi dute eragileetako kideek. Halaber, EHIGEko koordinatzaile Lurdes Imazek proiektua “atzera botatzeko” eskatu du: “Sistemaren pribatizazioan sakontzen duelako, eskola publikoa baztertzen duelako eta ez duelako ikasle guztien euskalduntzea bermatzen”.
Bestalde, eragileek proiektua “iruzurtzat” jo dute. Haien esanetan, itunpekoen alde egiten dutelako, eskola publikoa legearen ardatz dela adierazten duten arren: “Sare pribatuari inongo baldintzarik gabe finantziazioa bermatzen zaion heinean, eskola publikoa sustatzeari eta bere erronkei modu eraginkorreean erantzuteari uko egiten zaio”.
Garbiñe Biurrun epaileak defendatu du “ikastetxe publikoek euskalduntze osoa eskaintzen” eta “ikasleen eta familien elkarbizitza bultzatzen dutela”. Halaber, “sistema zaharkituari betiko arrazoiengatik” eusten zaiola adierazi du: “Interes partikularrak, interes ideologikoak, alderdikoiak eta elite sozial, ekonomiko eta politikoei eusteko, hezkuntzaren aldeko itun sozial batek izan behar duenaren kontrakoa”.
Euskal Eskola Publikoaz Harro plataformak eskaintza publikoa “udalerri eta auzo guztietan bermatzea” eskatu du, eta “plaza pribaturik ez ituntzea” aldarrikatu du: “Lege berriak norabide horretan egin behar luke planifikazioa, eta itunpeko ikastetxe pribatuen gain-eskaintzarekin amaitu”
EAEko Hezkuntza Legea. Biharamunerako koordenatuak liburua aurkeztu du asteazken honetan Hik Hasi egitasmoak. “Denontzat eta denona izango den hezkuntza sistema publikoa, bateratzailea, soziala eta inklusiboa erdiesteko bidean lege berriak zein aukera irekitzen dituen... [+]
Gasteizko Legebiltzarraren aurrean egin dute protesta Euskal Herrian Euskarazeko kideek, “iraungita” dagoen Hezkuntza Legearen onarpena salatzeko. Goizeko 9:00etan elkarretaratzea burutu dute eta bi kide Legebiltzarreko atera kateatzen saiatu dira.
Iritsi da eguna: Eusko Legebiltzarrean ostegun goiz honetan onartu da soilik EAJ eta PSEk babesten duten Hezkuntza Legea. Legebiltzar atarian, Euskal Eskola Publikoaz Harrok eta Euskal Herrian Euskarazek protestak egin dituzte. Duela hogeita hamar urte onartu zen azken hezkuntza... [+]
Hezkuntza Lege berria, adostasunetik jaio behar zena, haserrean eta desakordioan onartu da. Publiko-pribatu auziak eta hizkuntza ereduek eragin dute akordio falta. Pena handia.
Horretan Espainiako ereduari jarraitzen diogu, EAEn ez garelako gai oinarri amankomun batzuk jarri... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
"Azaroaren 29an Eusko Legebiltzarreko Hezkuntza Batzordean onartu den Lege proiektua dagoen moduan onartzen bada, Euskal Hezkuntza Sistema eraldatzeko aukera galduko dugu", adierazi dute Ikastolen Elkarteko lehendakari Nekane Artolak eta zuzendari nagusi Jose Luis... [+]
Ez orain, ez lehen!
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
Artikulu hau katalanek lortutako amnistiari buruz idaztea nuen buruan, lorpen horrek gauza bi utzi dituelako agerian: dena negoziatzen ahal dela eta, batez ere, amnistiatik beherako edozer gauza lortzeko une historikoa alferrik pasatzen utzi dutela abertzaleek. Batzuek, betikoa... [+]
Gasteizko Legebiltzarrean aurkeztu ditu sinadurak Euskalgintzaren Kontseiluak. Sinatzaileen artean dira ere Euskal Herriko Ikastolen Elkartea, EHIGE, HEIZE eta Hik Hasi hezkuntza-eragileak, STEILAS, LAB eta ELA sindikatuak eta hainbat guraso, langile, ikasle eta irakasle.