Hezkuntza ituna onartu du Eusko Legebiltzarreko Hezkuntza Batzordeak
EAJ, EH Bildu, PSE-EE eta Elkarrekin-Podemos taldeen aldeko bozkekin onartu da ituna. Voxek aurka bozkatu du, eta PP-Ciudadanos alderdiak ez du bozketan parte hartu. Behin batzordean onartuta, apirilaren 7ko osoko bilkuran egingo da itunaren behin betiko bozketa.
Aurreikusi bezala, gehiengo zabalarekin onartu du Eusko Legebiltzarreko Hezkuntza Batzordeak hezkuntza ituna, aurretik ituna adostua zuten lau talde politikoen eskutik. Jaurlaritzan gobernukide diren EAJ eta PSEren ordezkariek akordioaren garrantzia azpimarratu dute. Berria-k jaso duenez, EAJko Leixuri Arrizabalagak itunak lortu duen “adostasun zabala” nabarmendu du, eta PSEko José Antonio Pastorrek adierazi du legebiltzarraren %90aren babesa izatea “mugarri” dela.
EH Bilduk eta Elkarrekin-Podemosek ere defendatu dute ituna. EH Bilduko Ikoitz Arresek onartu du ituna ez dela osoki bere taldeak nahiko lukeena, baina “positiboa” dela defendatu du. Hezkuntzaren eta euskararen arloko zenbait eragilek eginiko kritiken aurrean, adierazi du itunak segregazioaren aurkako neurriak jasotzen dituela, eta ez duela eskola publikoa ahulduko. Elkarrekin-Podemoseko Iñigo Martínezek ziurtatu du itunak eskola publikoaren eta euskararen alde eta segregazioaren aurka egiten duela.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
