Hezkuntza ituna onartu du Eusko Legebiltzarrak
EAEko hezkuntza legearen egitasmorako ituna onartu dute Eusko Legebiltzarrean, ostegun honetan egin den osoko bilkuran, EAJ, EH Bildu, PSE-EE eta Elkarrekin Podemos-IU taldeen babesarekin. PPk eta eta Vox-ek kontra bozkatu dute. Steilas sindikatuak elkarretaratzea egin du legebiltzar kanpoaldean hezkuntza akordioaren aurka.
EAEn hezkuntza lege berri bat izateko ituna babestu dute Eusko Legebiltzarrean EAJ, EH Bildu, PSE-EE eta Elkarrekin Podemosek. Hala, ekimenak aldeko 68 boto izan ditu eta 7 baino ez kontra. Alderdi horiek pasa den martxoaren 18an adostu zuten ituna eta martxoaren 28an legebiltzarreko hezkuntza batzordeak onartu zuen.
Hasiera batean ituna lehenago onartzea espero bazen ere, azkenean legebiltzarreko bozketa gaur arte atzeratu da, desadostasunak zeudelako. Euskarak izango duen lekuaz, itunpeko ikastetxeen betebeharrez, segregazioa nola gainditu edo eskola publikoaren paperaz eztabaidatu dute alderdiek.
Eusko Jaurlaritzako Hezkuntza sailburu Jokin Bildarratzek eskerrak eman dizkie ituna babestu duten indar politikoei: "Hezkuntza ika-mika politiko guztiak baino gorago dago, eta horrelaxe ikusi da gaur", adierazi du. Azken pauso honekin hezkuntza lege berrirako oinarriak jarri dituzte eta Jaurlaritzak bideratu beharko ditu hurrengo pausoak legea aurrera ateratzeko, seguruenik udazkenetik aurrera.
Euskal eskola publikoaren aldeko elkarretaratzea
Steilas sindikatuak lanuztea zuen deituta ikastetxe publiko eta eskoletan, eta bere esanetan %100eko arrakasta izan du deialdiak, aurrera atera den lekuetan. Hezkuntzako sindikatuaren aburuz, itunak alderdien arteko adostasuna lortu badu ere, "Euskal Eskola Publikoaren alde gauden hainbat sindikatu, eragile eta langile ez gaude inolaz ere ados bertan adierazi diren asmo eta erabakiekin". Steilasek dio segregazioan eta beste hainbat arlotan dauden arazoak "betikotu eta areagotu" egingo direla lege honekin.
Bestalde, Euskal Eskola Publikoaz Harro plataformak deituta Eusko Legebiltzarraren atarian elkarretaratzea egin dute hezkuntza legearekiko desadostasuna azaltzeko, baita hainbat ikastetxeren aurrealdeetan ere, Ez saldu Euskal Eskola Publikoa lelopean. "Berriro diogu sare publiko eta pribatua ez direla gauza bera eta zerbitzuak pribatizatzea kaltegarria dela populazio osoarentzat", azaldu dute. Maiatzerako balizko mobilizazio gehiago iragarri dituzte gainera.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.