Hezkuntza hitzarmenak euskarazko eredu orokortu eta bakarra izango duela jasotzea beharrezkotzat jo du Euskalgintzaren Kontseiluak
EAEko Hezkuntza Lege berriaren abiapuntuko hitzarmenaren zirriborroa aurkeztu dute aste honetan. Orain ekarpenak egiteko tartea izango dute alderdiek. Hitzarmenean egungo ereduen sistema gaindituko den ala ez garbi adierazten ez dela esan du Euskalgintzaren Kontseiluak, eta hitzarmena hobetu behar dela esan die alderdiei.
Eusko Legebiltzarreko Hezkuntza lantaldeak osatu du hitzarmenaren zirriborroa, horretarako ehun aditu eta eragileri entzun eta haien ekarpenak jasota. Eragile horien artean dago Euskalgintzaren Kontseilua, iazko abenduaren 21ean aurkeztu baitzuen Legebiltzarrean bere ekarpena, hezkuntza komunitateko hainbat eragilerekin adostutako eskaerarekin batera.
Hain zuzen ere, euskarazko eredua orokortzeko eskaera egin zuten Euskaraz hezi, berdintasunean hazi adierazpeneko sinatzaileek. Ikastolen Elkartea, HEIZE eskola publikoetako zuzendarien elkartea, EHIGE gurasoen elkartea, Kristau Eskola, HikHasik eta ELA, LAB eta STEILAS sindikatuek babestu zuten adierazpena.
Hitzarmenaren zirriborroak ereduen sistema gaindituko ote den zehazten ez duela-eta kezka azaldu du Euskalgintzaren Kontseiluak. Hitzarmenean aipatzen den “euskara ardatz duen sistema eleaniztuna” kontzeptua hobeki zehaztu behar dela azaldu du Paul Bilbao idazkari nagusiak. Izan ere, egungo euskal hezkuntza “euskara ardatz duen sistema eleaniztuna” dela dio dokumentuak, eta proposatzen den sistemak indarrean dagoenarekin, irakastereduen sistemarekin, izango duen aldea zein izango den ez du zehazten.
Hitzarmenaren muina auzi horretan kokatu du Euskalgintzaren Kontseiluak, eta beharrezkotzat jo du Hezkuntza Lege berria egin ahal izateko hezkuntza sistemak eredu orokortu eta bakarra izango duela jasotzea: “Ez du zentzurik egun indarrean dagoen sistema etorkizunekoaren berdina izateak. Horrexegatik, uste dugu hitzarmenean berariaz jaso behar dela hurrengo legeak ereduen sistema baztertzailea gainditu eta ikasle guztiei euskara gaitasun egokia bermatuko dien eredu orokortua ezarriko dela”, adierazi du Bilbaok.
Legebiltzarreko Hezkuntza lantaldeak aurkeztutako zirriborroan kontuan hartzeko elementuak egon arren euskarazko eredua orokortzeko planteamendua beharrezkoa dela azpimarratu du Euskalgintzaren Kontseiluak, hezkuntza-sistemaren etorkizuneko zikloan hizkuntzarekin ere “anbizioz” jokatu eta jauzia egin behar dela iritzita, eta hori eskatu die alderdiei: “Zinez uste dugu orain dela aurrera egin eta ereduen sistema segregatzailetik eredu orokortu inklusibora jauzia egiteko unea, eta horixe eskatu nahi diegu alderdiei. Orain da unea. Bestela, aukera galdu bat izango litzateke”.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]