Hezkuntza greba ikasle lerroetatik
Irailaren 15a mobilizazio eguna izan da EAEko hezkuntza komunitatearentzat. Unibertsitateetan Ikasle Abertzaleek mobilizazioak egin dituzte. Donostiako campuseko deialdian izan gara, euren aldarrikapenak entzuteko.
Normaltasun berrian ohikoa den moduan argitu du egunak EHUren Ibaetako campusean: ikasle gutxi eta kafetegiak erdi hutsik, zerikusirik ez aurreko ikasturteekin. Hala ere, Ertzaintzaren brigada mugikorreko hiru unitate geldirik daude unibertsitatearen aldamenean, eta ez dirudi kafe bat hartzera gerturatu direnik. Goizeko zortziak aldera dozenaka ikasle biltzen hasi dira aulariopean. Horiek, berriz, ez doaz klasera, haietako batzuk ez baitira bertako ikasleak ere. Ikasle Abertzaleak antolakundeko kideak dira, hezkuntza grebari unibertsitatetik ekarpena egiteko prest.
Eskuorriak hartuta, fakultateka antolatu dira informazio-piketeak egiteko. Ez dute lan handirik izan eraikinen atarietan, goizeko bederatziak iritsi ahala ikasle gutxi baitabiltza campusean barrena. Klasera joateko asmoz bertaratu diren zenbait ikaslek harriduraz jaso dituzte grebaren arrazoiak azaltzen zituzten eskuorriak. Askok ez dute jaramonik egin, baina izan dira manifestazioaren abiapuntuaz galdetu dutenak ere.
IAk hiru eskakizun zehatz luzatu ditu deialdi honetarako. Lehenik, “langile klaseko ikasleek hezkuntzara sarbidea izan dezaten bermatzea”. Bigarrenik, “ikasketa modalitate telematikoak sortutako zailtasun akademikoek ikasketa prozesua ez oztopatzea”. Azkenik, “lan politiko eta militantea egiteko eskubidea bermatzea” ere aldarrikatu dute. Hirugarren eskakizun horren zentzuaz galdetzean, greba deialdiari dagokion adibide bat jarri dute: “Ikastetxe askotako zuzendaritza-taldeek ikasturte hasiera irregularraren aitzakia baliatu dute DBH zein batxilergoko ikasleei grebaldira batzea galarazteko, institutu gehienetan ez baita bozketarik ere egin”.
Ehunka ikasle
Bigarren hezkuntzako ikasleen faltan, Gipuzkoako txoko guztietako gazteak hurreratu dira eskakizun horiei babesa adieraztera, harik eta manifestazioaren hasierarako ehunka lagun biltzeraino. Antolatzaileen arabera, 800 ikasletik gora bildu dira Ibaetan 11:30erako. Segurtasun arduradunek berehala ekin diote megafono bidez guztien aurrean COVID-19aren aurkako irizpideak azaltzeari, eta ikasleek bertatik bertara osatu dituzte hiru zutabe luze, elkarren arteko bi metroko tarteak errespetatuz.
.jpg)
Langile kontrolpeko hezkuntza
Behin osasun-neurri guztiak beteta, pauso arinean ekin diote martxari, “Ondorioak ez ditzala langile klaseak ordaindu!” dioen pankartaren atzetik. Ertzaintza jarraika izan dute uneoro, baina horrek ez ditu gazteak beldurtu, eta “hezkuntzaren gaineko langile kontrola” ozenki aldarrikatu dute behin baino gehiagotan. Manifestazioa ikastetxeen aldamenetik pasa denean, leihoetatik zein patiotik so geratu dira grebarako aukerarik izan ez dutenak. Patiokoak korrika hurreratu dira eskolako hesira; oihuek, petardoek eta jendetzak asaldatuta.
Itxiera
Hala, bestelako intzidentziarik gabe, manifestazioa Ibaetara itzuli da. Bertan, bost lerrotan banatu dituzte ikasleak amaierako komunikatua entzuteko. Behin hori eginda, IAko bi militantek atril batetik komunikatua irakurri dute. Honela zioten azken hitzek: “Hezkuntzako problematika hezkuntza pribatuaren edo publikoaren artean kokatzen den honetan, guk argi diogu: auzia kapitalaren menpeko hezkuntzan edo langileon kontrolpeko hezkuntzan datza”. Besterik gabe, azken horren defentsan berretsi da IAko kidegoa, Donostian eta EAEko gainontzeko hiriburuetan.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Espainiako Gobernuaren unibertsitate lege berrian Euskal Filologia ezagutza arlo gisa Filologia Hispanikoen barruan jartzeko plana publiko egin zuenean, kontra agertu ziren hainbat banako eta kolektibo, horien artean Euskal Herriko Unibertsitatea bera.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.