Hezkuntza gotorleku
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak ixten ez badizkiegu.
Hezkuntza ez dago bizi dugun tendentzia horretatik salbuetsita eta ez gara urrun joan behar matxismo kasuekin topo egiteko. Azken astebetean, gutxienez sei irakasle erasotzaileren kasuak argitara atera dira Euskal Herrian, eta beste horrenbeste salatu dira ikasturtean zehar. Kasu horiek guztiek argi uzten dute matxismoa arazo larria bihurtzen ari dela hezkuntzan eta aurre egitea urgentziazkoa dela, izan ere, ezin dugu onartu gure ikasgeletan, gure ikastetxeetan, gure pasilloetan erasotzaileekin gurutzatu eta beste aldera begiratzea. Matxismoa orain kanporatu behar dugu hezkuntzatik, beranduegi izan baino lehen.
Erasoak kasu isolatu gisa ulertzetik urrun, zabaltzen ari den tendentzia orokor baten baitan ulertu behar ditugu, non matxismoaren normalizazioa eta indarkeria matxistaren gorakada ditugun protagonista. Gero eta gehiago dira emakumeok objektu gisa tratatzen gaituzten diskurtsoak eta matxismoa ukatzen duten ahotsak, eta indarra hartzen dute sare sozialetan zein instituzioetan. Horrek baldintza kultural paregabeak jartzen ditu erasoak biderka daitezen eta erasotzaileen inpunitatean sakon dadin.
Bestalde, irakasle erasotzaileei dagokienean, aipatzekoa da erasoa jasan duenaren eta erasotzailearen artean dagoen botere harremana, izan ere, ikasleok egoera zaurgarrian gaude irakasleen aurrean, eta irakasle erasotzaileak egoera horretaz probesten dira inpunitate osoz erasoak egiteko.
Aipatzekoa da erasoa jasan duenaren eta erasotzailearen artean dagoen botere harremana, izan ere, ikasleok egoera zaurgarrian gaude irakasleen aurrean, eta irakasle erasotzaileak horretaz probesten dira inpunitatez erasoak egiteko
Gogor salatzekoa da, baita ere, kasu horietan guztietan zentroetako zuzendaritzek, dekanotzek nahiz hezkuntza delegaritzek eta hezkuntza sailak izandako arduragabekeria. Izan ere, irakasleek egindako erasoez jakitun zirelarik, erasoak ezkutatzen eta erasoen aurrean antolatutako erantzunak isilarazten saiatu dira. Gehiago axola zaie beraien irudia garbi mantentzea, erasoen aurka zerbait egitea baino. Argi geratu da hezkuntza sistema kapitalistak ez duela gaitasunik eta, maiz, ezta borondaterik ere matxismoarekin amaitzeko.
Hezkuntza sistemak erakusten duen inkonpetentzia horren aurrean, baina, ez gara besoak gurutzatuta geldituko. Aski da! Ezin dugu egoera hau normalizatzen utzi. Eta normalizatzen ez uzteko modurik onena horren aurka borrokatzea da. Ikasleok orain arte Gasteizen, Eunaten, Askatasunan… erakutsi dugu antolatuz eta mobilizatuz matxismoak ez duela tokirik hezkuntzan, baina mobilizatzen jarraitzea ezinbestekoa da, gauza asko daude eta aldatzeko oraindik.
Bide horretan, martxoaren 8an Itaiak deitu dituen mobilizazioak eta martxoaren 13ko Ikasle Greba aukera paregabea dira matxismoaren aurkako kontzientzia ahalik eta ikasle gehienen artean hedatzeko, matxismoari bai kalean bai hezkuntzan aurre egiteko. Bertan ikusiko dugu elkar.
Laia Alduntzin, Ikasle Abertzaleak-eko kidea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]