Hezkuntza euskaraz lortzeko borrokan, pausoa
Hegoaldeko lau hiriburuetan milaka lagun mobilizatu dira hezkuntza euskaldunaren alde. Leioako euskara taldeko bost kide identifikatu dituzte goizeko kontzentrazioan, baina mobilizazioak aurrera egin du: “Ez gaituzue geldituko”.
Espero baino jende gehiago topatu dute Bilboko Jesusen Bihotza plazan. Gazte Euskaltzaleen Sareak, EHUko euskara taldeak eta Ikamak esker hitzak izan dituzte martxoaren 23an hezkuntza euskaraz izateko eskubidea defendatzeko kalera atera diren irakasle, langile, guraso eta batez ere, ikasleentzat. Izan ere, Bilbon baita Donostian, Iruñean eta Gasteizen ere milaka lagunek egin dute protesta, “hezkuntza euskaraz izango da” lelopean.
Joseba Ugalde eta June Artetxe EHUko Leioako campuseko euskara taldeko kideak dira. Gaurko protestak eraldaketarako abiapuntu izatea espero dute, eta euskaraz ikasteko ezintasuna mahai gainean jartzea.
Azken asteotan hitzaldi eta asanbladak antolatu dituzte unibertsitatean, eta gazte askoren kezka dela ikusi dute. Halaber, sare sozialetan jasotako babesa eskertu dute. “Azkenaldian isilik mantendu da euskararen aldeko aldarria. Onartuta ditugu zapalkuntza ugari: esaterako, euskaraz ikasten ari garelakoan, gazteleraz irakurri, idatzi eta ikastea. Baina hori aldatu beharra dago”, nabarmendu dute Ugaldek eta Artetxek.
Leioan, gainera, goizean goizetik izan dute egun mugitua. Ertzaintzak bost kide identifikatu ditu lehen orduko kontzentrazioan. Euskara taldeak salatu du beste behin ere ikasleen mugimendua kriminalizatzen saiatu direla.
Poliziaren esku-hartzeak ez dituztela geldituko esan dute, eta behin eguerdiko hitzordua iritsita, oihuei eutsi diete Arriaga Plazara iritsi diren arte. Hauek izan dira leloetako batzuk: “Hezkuntza honek ez gaitu euskalduntzen; Euskararik gabe hezkuntzarik ez; Euskaraz ikasi nahi dugu”:
Unibertsitateko zein batxilergoko ikasleak izan dira gehiengoa. Maialen Arteaga Gazte Euskaltzaleen Sareko kidearen arabera, ozta-ozta lortu dute greba konbokatzea bai EHUn baita institutuetan ere. “Argi dago euskararen alde egiteko interes gutxi dagoela”, nabarmendu du.
Ikasleek badakite euskarak ez duela bere horretan aurrera egingo: “Aurrera eraman behar da, eraman behar dugu; guk, guztiok”, aldarrikatu dute, behin manifestariak Arriagaren parean bilduta zeudela. Eraldaketaren “motor eta erregai” izateko konpromisoa azaldu dute. Funtsean, "Euskal Herritik Euskal Herrirako" hezkuntza sistema propioa defendatu dute.
Instituzioei euskararen aldeko erabaki ausartak exijitu dizkiete. Izan ere, “ustez gaindituta zeuden diskurtso euskarafobo” egunerokoa baldintzatzen jarraitzen dutela salatu dute: “Gure administrazioetan daude, gure hezkuntza zentroetan daude eta ustezko justizian”.
Bilboko mobilizazioari amaiera emateko, Irantzu Idoate bertsolariak bertso bi bota ditu. Hemen osorik:
Gaur bidean doa gazteria
Eta badaki noruntza
Hizkuntz eredu honek behar du
Oinarrizko berrikuntza
Indar hontatik lora dadila
Amets berrien sorkuntza
Eguneroko erabilpena
Izan arren horren funtsa
Giren belaunaldi honetatik
Eman dezagun laguntza
Elkar eskutik lotu ditzagun
Hizkuntza eta hezkuntza
Nafarroako euskaldunak egin
Gaituztenez hiru parte
Iparraldeko azterketekin
Zenbat muga eta kate
EHUtik ere ez dute
Ez nahi ez borondate
Euskara ahots gabe uztea
Ezin onar genezake
Nahiz ta batzuek nahiago duten
Gu gelditzea aparte
Segiko dugu gure hezkuntza
Euskalduna lortu arte
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]
Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]