Teknologia burujabetzaren bidean zehaztapenak eskatu ditu Hezkuntzan Librezalek
EAEko Hezkuntza Lege berria egiteko abiapuntu gisa hartuko den Euskal Hezkuntzaren eraldaketarako oinarriak dokumentuko zenbait puntu positiboki baloratu ditu Hezkuntzan Librezale taldeak. Horien artean dira "digitalizazio plan berriak" eta "epe luzerako begirada" aipatzea, besteak beste. Dena den, hainbat zehaztapen ere egin ditu datuen burujabetza edota digitalizazioaren gainean.
Aipatu dokumentua abiapuntutzat hartuta ekingo dio Eusko Legebiltzarrak EAEko Hezkuntza Lege berria egiteari. Hainbat hezkuntza eragilek egindako ekarpenak hartu dituzte kontuan, Hezkuntzan Librezale taldearenak tartean. Dokumentua eskuetan, haren gaineko balorazioa egin du taldeak, digitalizazioari eta teknologiari dagozkion atalen inguruan.
Taldeak positibotzat jo du testuak aipatzea "digitalizazio plan berriak" eta "epe luzerako begirada". Beren hitzetan orain arte "bakoitzak bere aldetik hartu izan ditu digitalizazioaren eremuko erabakiak, koordinaziorik eta ageriko epe luzerako planik gabe". 'Plan berriak' aipamenarekin ulertu dute orain artekoarekin jarraitu baino, norabide jakin batekin egingo direla digitalizazioari dagozkion hautu, hitzarmen eta bestelako jardunak.
Besteren artean "ingurune birtual integralak sortzea" aurreikusten du Hezkuntza Lege berrirako txostenak. "Geure behar eta helburuetara egokituko diren plataformak eraiki eta iraunaraztea, alegia –Hezkuntzan Librezale-k dioenez–. Aipamen horretan guk aldarrikatzen dugun burujabetza adierazpena antzeman dugu, beste interes batzuk ere izan ditzaketen irabazi-asmodun hornitzaile erraldoienganako menpekotasunak saihesteko asmo bat".
Zehaztapenak
Taldeak, bestalde, zehaztapenak egin ditu txostenaren dozena erdi puntutan. Esaterako, beharrezko ikusten du zehaztea nola erdietsiko den datuen burujabetza teknologikoa: "[Testuan] aipatzen den 'digitalizazio etiko, arduratsu, eraginkor eta euskalduna bermatzeko' izango bada, uste dugu burujabetza hori definitu beharra dagoela ikasleen eskubideak bermatuz eta bitarteko teknologiko auditagarri eta gardenak erabiliz".
Horrez gain, oso kezkagarritzat jo dute "teknologia digitalen erabilera areagotzearen' aipamena", teknologia digitalen "berariazko onura bat ematen duelako aditzera": "Beharrezko jotzen dugu lotura hau ekiditea, ez baitugu digitalizazio gehiago behar hezkuntzan: digitalizazio hobea behar dugu".
Bestetik, teknologia "egokiak" zer diren, bere horretan, "interpretazioari eta irakurketa anitzei oso zabaldua geratzen den formulazioa" da, Hezkuntzan Librezaleren hitzetan: "Uste dugu 'digitalizazio etiko, arduratsu, eraginkor eta euskaldun' hori ahalbidetuko dutenak direla, hain zuzen, teknologia 'egokiak', eta beharrezko jotzen dugu idatziz zehaztapen hori jasotzea".
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]
Martxoaren 15ean RSSak (Really Simple Syndication) 25 urte bete ditu. Gehienek ez dakite zer den eta beste batzuk hiltzat jotzen dute, baina teknologia burujabetza ikuspuntutik oso interesgarria izaten jarraitzen du eta bizi-bizirik dago. Bitartekaririk gabe gure intereseko... [+]
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Badaramat denbora tarte bat haserre egunerokoan inguratzen nauen errealitate digitalarekin. Mugikorraren gehiegizko erabilera pertsonalak, seme-alaben hezkuntzaren googleizazio eta erabilera digital deterministak, erakunde publikoek korporazio digital erraldoien tresnekiko... [+]
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]
Testu akademiko asko sortzen dira, baina gutxi dira teknologia eta gizarte gaiak gaurkotasunez eta gertutasunez lantzen dituztenak. Horrelakoa da Ekaitz Cancelak eta Jule Goikoetxeak idatzitako «Spanish Fake Sovereignty: From Privatising the Nation-State to Becoming a... [+]