Hilabete barru, apirilaren 19an hasi eta sei astez luzatuko diren "munduko demokrazia handienaren" hauteskundeak gainean direnean, faktore berri batek sutu ditu bestela ere nahikoa oldartuta zebiltzan bazterrak. Narendra Modi egungo lehen ministroa buru duen BJPren Aliantza Nazional Demokratiko eskuindarrak irabaziko duela aurreikusten dute inkesta guztiek, baina amatatuxe zegoen sugai bati eman dio haize agintean dagoenak. Ez dirudi, haatik, Rahul Gandhiren oposizioak estu hartuko duelako izan daitekeenik: nahiko lan badu Kongresu Alderdiak hainbeste kostata josi zuen INDIA aliantzaren barne-tarratadei puntadak eman eta 2019ko emaitza negargarriak zertxobait hobetzen. Orduan?
CAA-Citizenship (Amendment) Act, 2019 izen trauskilaren pean zetzan, lehendik ere, iskanbilaren korapiloak. Zatiketa-prozedura lotsagarri bezain odoltsu hartatik sortua, Indiako Konstituzioak Herritartasun Lege konplexua du lagungarri, laster beteko dituen 70 urteetan hainbat emendakin eta zuzenketa jaso dituena, herrialdean bertan eta haren ingurumari geopolitiko bihurrian gertatu diren gorabehera latzen harira. Orokorrean esan behar da ez dela batere erraza Indiako herritar bihurtzea... salbuespenezko kasu batzuetan ez bada.
2019an, Modiren alderdiaren arrazoibide nagusia izan zen musulmanek, pertsegituak zirenean, bazutela non babestu, beren fede berbereko beste herrialderen batean, Indiara joan gabe
Salbuespenezko kasu horiek gogotik eraldatu zituen 2019an, bere gehiengo oso zabalari esker BJPk sustatu zuen emendakinak. Tenore berrian, 2014a baino lehen Indiara "jazarpen erlijiosoa pairatzeagatik" babes-bila heldutakoak, azkarki lor zezaketen herritartasuna... baldin eta hinduak, budistak, sikhak, jainistak, mazdeistak edo kristauak balira. Baina ez India inguruko hainbat herrialdetan gehiengoa diren musulmanak. Ezta ere askoz bakanagoak (eta, usu, ia edonon jazarriagoak) diren baha'iak.
Orduan, 2019an, Modiren alderdiaren arrazoibide nagusia izan zen musulmanek, pertsegituak zirenean, bazutela non babestu, beren fede berbereko beste herrialderen batean, Indiara joan gabe. Argudioak, noski, ez zituen konbentzitu Indiako musulman –175 milioi– gehienak, eta kale-agerraldi ikusgarriak egin ziren hiri nagusienetan. Gatazka bereziki bortitza izan zen Assamen, Myanmarreko rohingyen arazoa bertatik bertara baitute han. Eta, objektibo angeluhandiarekin hartuz, migrazio-sorburu askoz latzagoa izan daitekeen Bangladeshen korapiloa zegokeen. Erlijioan funtsatutako diskriminazioen aurrekari siniestroenak gogora ez ekartzearren.
Emendakina hozkailuan egon da lau urtez. Baina hauteskundeen berotasunean desizoztu egin du BJPk. Orduko tentsio erlijioso-politiko berbera erein asmoz, noski.
Modiren betiko estrategia izan da. Eta ezin uka etekinak eman dizkiola.
Inoizko okerrenean daude India eta Kanadaren arteko harreman diplomatikoak: indiar enbaxadorea eta beste bost goi diplomatiko bota ditu Ottawak joan den astean; eta, ordainetan, beste horrenbeste egin du berehalaxe New Delhiko gobernuak.
Indiako lehen ministro Modik 400 jarleku baino gehiago lortu behar ditu hauteskunde nagusietan, arrakasta dela esateko. Egungoak baino gutxiago lortuko balitu, porrota izango litzateke, koalizioak gehiengoari eutsiko balio ere. Ekainaren 4ko emaitzek erakutsiko dute korapiloaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.
NewsClick ezkerreko hedabidearen sortzaile eta erredaktore burua eta Amit Chakravarty giza baliabideen arduraduna atxilotu ditu Indiako Poliziak, zenbait egoitza eta hainbat kazetariren etxebizitza ere miatu dituzte.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Duela lau hilabete, zenbait kirolarik Indiako Borroka Libreko Federazioko burua salatu zuten sexu-abusuak egiteagatik. Igandean protesta egin dute Jantar Mantaren, Indiako Parlamentutik gertu. Salatuetakoen artean daude olinpiar jokalariak, eta Poliziak atxilotu ditu hainbat.
Bi herrialde horiek Errusiako petrolio inportazioen %90 osatzen dute. Europak nabarmen jaitsi du eskaera, baina gainontzeko herrialdeen eskaerak handituta, Errusiaren esportazio osoa handitu egin da. Prezioen jaitsieraren ondorioz, ordea, Errusiak diru sarrera gutxiago jasotzen... [+]
Klima aldaketaren ardurari dagokion bezala, klima larrialdiaren aurrean ere ez dago mundu osoa egoera berdinean. Lehen lerroan dago Hego Asia, eta bertako lehen kaltetuak daude txiroenak, kanpoko eskuzko lanak egiten dituztenak. Gizakiaren biziraupena kolokan jarriko du... [+]