Herritarrei isun gehiago jartzean oinarritzen den greba abiatu du Bilboko Udaltzaingoak
Bilboko Udaleko Herritarren Segurtasun Sailak egutegi aldaketa gauzatu nahi du Bilboko Udaltzaingoaren lan antolaketan, baina udaltzainak ez daude asmo horrekin ados. Gatazka sortu da bi aldeen artean, eta "japoniar erara" greba egitea erabaki du Udaltzaingoak: trafiko araudiak eta udal-ordenantzak dioena zorrotz betearaziko dute, herritarrak isunez itotzeko eta horiek beren haserrea udalari eta Herritarren Segurtasun Sailari helarazteko.
Gatazka sortu da Bilboko Udaleko Herritarren Segurtasun Sailaren eta Bilboko Udaltzaingoaren artean. Izan ere, maiatzean Udaleko Giza Baliabideek eta Herritarren Segurtasun Sailak negoziazio mahaira deitu zuten Udaltzaingoaren Langileen Batzordea –ELA, LAB, SVPE eta CCOO sindikatuetako ordezkariek osatua–, egutegi aldaketa arrazoitzen zuen txostena aurkezteko. Bilera haren ostean Langileen Batzordeak Naiz-i adierazi zionez, egutegi aldaketaren helburua agente gehiago gauetara, asteburuetara eta jaiegunetara bideratzea litzateke, aste bitartean lan egingo lukeen langile kopurua murriztuz. Egutegi berria aplikatuz gero, bost asteko zikloka lan egingo lukete udaltzainek, zazpi asteko zikloka ordez.
Proposamenaren aurrean desadostasuna agertu zuen Udaltzaingoak. Are, Langileen Batzordeak aipatu hedabideari jakinarazi zionez, egutegia aldatzeko proposamena izan da bi aldeen artean gatazka abiarazi duena. "Azken aldian udalak Udaltzaingoa hondatzen ari den hainbat neurri hartu dituela adierazi dute, 'eta, horrekin batera, herritarrei ematen zaien zerbitzua'", jaso zuen Naiz-ek. Egutegia aldatzeko proposamena, beraz, aurretiaz hartutako neurriek eragindako haserrea eztandarazi duen faktorea litzateke Udaltzaingoaren arabera.
Hala bada, greba egitea erabaki du Bilboko Udaltzaingoak. Alabaina, ez dute ohiko greba eredua baliatuko protesta egiteko, baizik eta "japoniar erakoa". Lanuzteen ordez, lanean jarraituko dute, zorroztasun handiagoz; presioa egiteko beren estrategia izango da trafiko araudia eta udal-ordenantza zorrotz betearaztea, herritarrei isun gehiago jarriz. Horrela herritarrak haserrarazi eta haiek beren ondoeza Bilboko Udalari eta Herritarren Segurtasun Sailari helarazi diezaioten. Alegia, isunen bidez, haien helburua da herritarrak izatea protesta egiten dutenak, protesta beraiek egin beharrean.
ELA sindikatuak jakinarazi duenez, protestak abiatzearen arrazoia negoziaketa-mahaien porrotari dagokio. Izan ere, Langile Batzordeak uko egin dio bost asteko zikloko egutegiari. Halere, negoziaketetarako atea irekita utzi dute: "Langileen Batzordea prest dago negoziatzen jarraitzeko, Herritarren Segurtasun Sailak egungo jarrera zurruna laxatzea esperoaz, betiere langileen eskubideei kalterik egin gabe".
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
“Ahots propioa duen sare bezala” gorpuztuta, eta torturatuen aitortza eta erreparazio publiko, sozial eta ofiziala helburu, otsailaren 15ean eratu eta aurkeztuko du bere burua Euskal Herriko Torturatuen Sareak. Tortura jasan duten 700 pertsona baino gehiagorekin... [+]
Polizia ez zegoen lanean ustezko gertakaria jazo zenean.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.