‘Herriko tabernen’ auziko makroepaiketa urriaren 17an hasiko da
Duela hamar-hamaika urte Batasuneko kide ziren 40 lagun epaituko dituzte urriaren 17tik aurrera Espainiako Auzitegi Nazionalean. 'Herriko tabernen' bitartez ETA finantzatzea leporatuta, zortzi eta hamabi urte arteko zigor eskaerei egin beharko diete aurre akusatuek.
35/02 sumarioa, 'Herriko tabernen auzia' deitua, 2002an ireki zuen Baltasar Garzon epaileak, urte hartako apirilean hamaika lagun atxilotzeko agindua eman eta 75 'Herriko taberna' enbargatu zituenean. Sumarioa itxi bitartean, 2008ra arte, orotara ezker abertzaleko 41 kide prozesatu zituen Garzonek. Halaber, 110 'Herriko tabernaren' "arduradun zibilak" ere epaituko dituzte Audientzia Nazionalean.
Aurreikuspenen arabera, 2014ko otsailaren 17ra arte luzatuko dira haien guztien deklarazioak.
Fiskaltzaren zigor eskaerak
12 urteko espetxe zigorra: Arnaldo Otegi, Joseba Permach eta Rufi Etxeberria.
10 urteko zigorra: Karmelo Landa, Juan Kruz Aldasoro, Joseba Alvarez, Jose Luis Elkoro, Josu Iraeta, Adolfo Araiz, Jose Antonio Egido, Txekun Lopez de Aberasturi, Carlos Rodriguez, Mikel Arregi, Esther Agirre, Jasone Manterola, Floren Aoiz, Isabel Mandiola, Juanpe Plaza, Antton Morcillo, Santiago Hernando, Santi Kiroga, Jon Gorrotxategi eta Kepa Gordejuela.
8 urteko zigorra: Jose Luis Franco, Maite Amezaga, Joseba Garmendia, Jon Martinez, Juani Lizaso, Jaione Intxaurraga, Joseba Imanol Kortazar, Ruben Andres Granados, Enrike Alaña, Agustin Rodriguez, Patxi Bengoa, Idoia Arbelaiz, Izaskun Barbarias, Sabin del Bado, Vicente Enekotegi, Andres Larrea eta Pedro Felix Morales.
Epaiketa luze eta korapilotsua
Hainbeste auzipetu eta arduradun zibilekin, luzea eta korapilatsua aurreikusten da epaiketa, Oihana Elduaien Berriako kazetariak nabarmendu duen moduan: Akusatuei deklarazioak hartzeko lau hilabete aurreikusten ditu bigarren aretoak, eta horietan 26 auzi saio egin nahi ditu. Ahozko saio bakoitzean hiru auzipeturi hartuko die deklarazioa. Aurreneko egunean Joseba Alvarez, Joseba Permach eta Idoia Arbelaitzek deklaratuko dute, eta bigarrengoan Rufi Etxeberriak. Urriaren 29an Adolfo Araiz abokatuari egingo dizkiote galderak aldeek, azaroaren 7an Karmelo Landari, 8an Jose Luis Elkorori zein Floren Aoizi eta 18an Arnaldo Otegiri. Auzipetuen ondoren, herriko tabernen ordezkariek deklaratu beharko dute. Azaroaren 19an izango da aurrena, eta otsailaren 17an azkena.
Nahi beste sinbolismorekin, 2,8 milioi tona tona hondakin biltzen dituen zabortegi toxikoa amildu da Bizkaia eta Gipuzkoa artean. Bi langile desagerrarazi, autopista moztu, sutea piztu, irregulartasunak agerian utzi eta inguruetan hodei gaixotzaileak zabaldu ditu, besteren... [+]
Estrasburgoko Giza Eskubideen Auzitegiak Espainia zigortu du Bateragune auzian Arnaldo Otegiri epaiketa justua egin ez ziolako. Epaiketa ez justu horren ondorioz, ezker abertzaleko buruzagiak 6 urte eta erdi eman ditu preso Espainiako espetxeetan, Bateragune auziko beste lau... [+]
Autoan harrapatu nau ekaitzak, eta horrek trakestu egin du irratiko konexioa; tunel, putzu eta zarata artean –kshjsxkksh– sartu da bozgorailuetatik All together now kantua, The Farm taldearena, ez Beatlesena. Joseina Etxeberriak kontatu duenez, bakearen aldeko... [+]
EAEko Auzitegi Gorenak Hasier Arraizi buruzko epaia ematea besterik ez da falta 04/08 sumarioa burutzeko; bestela esanda, Segurako sarekadan atxilotutakoen kontrakoa auzia, burutzeko. Urtarrilean Espainiako Auzitegi Nazionalean epaitutako 35 pertsonekin gertatu bezala, akordioa... [+]
Ekarri armak liburua kaleratu du Imanol Murua Uria kazetariak (Zarautz, 1966). ETAren borroka armatuaren amaiera kontatu du, oso modu garbi eta irakurgarrian. Berrogeitik gora elkarrizketa egiteaz gain, erakundeen barne dokumentuak eta kanpo erreferentziak erabili ditu.
Karmelo Landa auzipetuak astearte gauean jakinarazi du 35/02 sumarioko auziaren bista maiatzaren 19an izango dela Espainiako Auzitegi Gorenean. Herriko tabernen bitartez ETA finantzatzea leporatzen diete Batasunako 40 kideri.
36 pertsona epaituko dituzte gaur Espainiako Auzitegi Nazionalean, Herriko Tabernen auziaren harira. Talde terroristako kide izatea leporatzen diete. Zortzi eta hamabi urte arteko zigor eskaerak egin ditu fiskalak.
Bateragune auziko kideei ezarri zitzaien 6 urteko espetxe zigorra osorik betearaztea erabaki du Espainiako Konstituzio Auzitegiak. Eldiario.es agerkariak argitaratu du lehenik albistea eta El Mundok ere eman du filtratutako informazioaren berri.
Maite Goienetxek eta Jean-Claude Agerrek Baionan emandako prentsaurrekoan jakinarazi dute Batasunak disolbatzeko erabakia hartu duela. Duela hamar urte sortu zen Ipar Euskal Herrian. Fase politiko berriaren testuinguruan kokatu dute erabakia.