Gazte euskaltzaleen talde batek antolatutako ekimena da Herrika. Igandean, ehunka lagun bildu ditu Ipar Euskal Herrian.
Korrika bigarren aldiz geratu da bertan behera, osasun egoera dela-eta. Horren aurrean, euskaltzale gazteen talde batek ordezko gisa antolatutako ekimena da Herrika. Igandean egin da lasterketa, eta ehunka lagunek hartu dute parte. Hogei herri ezberdinetatik igaro dira: Ozazen (Zuberoa) hasi eta Ortzaizen (Nafarroa Beherea) bukatu dute ibilbidea.
Goizeko zazpietan irten dira parte hartzaileak Ozazeko plazatik. Zuberoako eta Behe Nafarroako hainbat herritik igaro dira —Donibane Garazi eta Baigorri kasu—, eta arratsaldean Ortzaizen bukatu dute bidea. Ekitaldi berezia antolatu dute bertan: Zuberoako dantzari talde batek dantzaldia egin du, eta, musika emanaldiaz gain, Maddi Sarasua eta Elixabet Etxandi bertsolariak aritu dira bertsotan. Bukatzeko, idatzi bat irakurri dute euskara bultzatzeko egiten diren ekitaldien garrantzia nabarmenduz. Antolatzaileak euskaltzale gazteak diren aldetik, gazteenei zuzendu zaie euskararen aldeko lanean aurreko belaunaldien jardunarekin segitzeko mezua.
Xiberoko Botzak eta Kazeta.eus hedabideek azaldu dutenez, Herrikan ez da Korrikaren logika bera jarraitu, ez baitira ibilbideko kilometroak saldu. Halere, kamisetak jarri dituzte salgai: hilaren 9a eta 12a bitartean aurretiko salmenta egin dute Garazi, Ortzaize eta Mauleko ikastoletan, eta lasterketa baino lehen ere banatu dituzte jantziak. Salmentetatik lortutako dirua AEKri emango diote.
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
Hirugarren urtez Xiberoako ikastolei bultzada emanen die Tulalaika bestak.
Aitzinkontua ez emendatzea bozkatu du Euskararen Erakunde Publikoak. Iazko bera izanen da, lau milioi t'erdi inguru. Horrek Euskalgintzako hainbat sektoreren kexua piztu du, eta EEPren izatea zalantzan jarri dute, gaur egun, tresna baliagarria ez delakoan. Hur Gorostiaga... [+]
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Udaberrian, Iparraldeko Hizkuntz Politika Publikoa berrituko da: hortik, datozen urteetako norabideak, asmoak eta horien zerbitzuko jarriko diren dirutzei buruzko erabakiak hartuko dira eta horretan jarrera argia hartu beharko dute eskualdeak, departamenduak, estatuak eta Euskal... [+]