EHZak azken egunetan publiko egin bezala, ostegunean ekin dio aurresalmentari eta horrekin batera, lehenengo taldeen konfirmazioak publiko egin ditu: "Auhen, Marte Lasarte, W!zard, Radio byzance eta Maskak. Horrez gain, eguneko programazioari doakionez, Cie Choari eta Queer Falafel" artistak izango dira Arberatzen.

"Produktu kultural merkantilizatuen erritmo frenetikotik kanpo" antolatutako festa izango dela adierazi dute eta sold-out bezalako fenomenoak alde batera utzi nahi dituztela esan dute eta denentzako lekua egongo dela esan dute."Kulturgintzaren kapitalizazioa eta pribatizazioa" ere gogor kritikatu dute, horrelako egoera baten aurrean "(EHZ) landatzen den herrian tokiko erritmora" egokituko direla esan dute. 

Horrenbestez, makrofestibletatik haratago, hemengo "(h)erritmotik eraikitzen" dela diote, "elkar trukea, auzolana eta autogestioa" oinarri izan duen jaialdia delako, "belaunaldiz belaunaldi milaka laguntzailek landatu" dutena. 

"Ohiko erritmoa" izango duela jakinarazi du EHZak: egunean zehar "orotariko animazioak" izango dira: zirku, kontzertu, haurren txoko,  mintzaldiak, tailerrak eta mahai inguruak besteren artean. Gainera, 

Hiru eguneko sarrerak 43 eurotara eskuratu ahal izango da ostegunetik aurrera apirilaren 1 arte ehz.eus webgunean. Hau lehenengo aurresalmenta bada ere, bigarren eta hirugarrenetan konfirmazio eta xehetasun gehiago argitaratuko dituztela jakinarazi dute.