Ezker Independentista eta CDRak masiboki zelatatu ditu Espainiako Barne Ministerioak
Directa hedabideak eman du argitara espioitza masiboa: Guardia Zibilak eta Espainiako Poliziak, "terrorismoaren aurkako borroka" argudiatuz, 50 telefono mugikor kontrolpean hartu ditu, eta besteak beste kaleko jarraipena ere egin die hainbat militanteri. 2017ko azaroaren 8ko greba orokorreko sabotajeak dira zelatatze masiboaren iturria, eta gutxienez 2019ko lehen hiruhilekora arte egon zen martxan.
Directa-k jakinarazi du, urriaren 10eko astelehenez, CDRak (Errepublikaren Defentsarako Batzordeak) eta Ezker Independentista masiboki zelatatu dituela Espainiako Barne Ministerioak. Oraintsu arte sekretutzat jotako dokumentuetara sarbidea izan du hedabideak: 2.000 orritik gora, "interes polizialeko" dokumentuek, Poliziaren espioitza jardunaren zehaztapenek eta hainbat militantek izandako elkarrizketen transkripzioek osatuta.
Gemma García eta Jesús Rodríguez kazetariek egindako ikerketaren arabera, espioitzaren abiapuntua lirateke 2017ko azaroaren 8an –Procés-aren testuinguruan deitutako greba orokor egunean– Espainiako trenbideen kudeaketaz arduratzen den Adif enpresaren instalazioen aurka gauzatutako sabotajeak. Izan ere, ekintza horien harira abiatutako ikerketaren bidez arrazoitu zen espioitza. Adif-eko ordezkari batek Guardia Zibilaren kuartelean salaketa jartzearekin batera, sabotajeen kokalekutik gertuko telefonia mugikorreko BTS antenen datuak biltzeko agindua eman zen, eta horrekin batera CDR ugariren Telegram kanaletan infiltratu ziren hainbat agente. Telegram kanaletako elkarrizketetan oinarriturik, Guardia Zibilak Espainiako Auzitegi Nazionalari adierazi zion aztarnak zituela bi militante sabotaje ekintzekin lotzeko. "Bi militante horien telefonoetako komunikazioen intertzeptazioa izango zen intertzeptazio kate luze bate hasiera, eta ondoren eragingo zien Cardedeu, Lleida, Tarragona, Granollers, Santa Coloma de Farners, Girona, Salt eta Sant Antoni de Vilamajorreko eskualdeetako CDRetako dozenaka ekintzaileri, baita 'Nazioarteko CDRari' zein 'Ekintzen Talde Nazionalari' ere, Guardia Zibilak epaileari eman zion organigramaren arabera", irakur daiteke Directan.
Paraleloki, Espainiako Poliziaren BPI Bartzelonako Eskualdeko Informazio Brigadak ere ikerketa abiatu zuen CDRen jardunaren inguruan. Ikerketa horrek eta Guardia Zibilak abiatutakoak bat egin zuten Espainiako Auzitegi Nazionalean 2018ko martxoaren 21ean. BPI-ak egun horretan gehitu zizkion ikerketari Endavant eta Poble Lliure antolakundeei buruzko dokumentuak, baita Ezker Independentistako zenbait militanteren jardunaren monitorizazioa jasotzen duten txostenak ere. Bi ikerketen gurutzaketatik ondorioztatuko dute CDRen zuzendaritzaren nukleoa Ezker Independentistak kapitalizatuta dagoela eta "Ezker Independentista egonkortasun eta bake sozialerako egiazko mehatxu bezala aurkezten dela, kontrabotere mugimendu gisa erakutsi duelako nolabaiteko indarkeria mailadun erantzuna aktibatzeko gaitasuna". Argudiaketa horrekin arrazoitu zuen BPI-ak Xavier Pellicer, Joan Teran eta Arraneko militante baten telefonoak kontrolpean hartzea (Pellicer Alerta Solidària-ko bozeramaile zen garai hartan eta CUP-eko diputatua da gaur egun, eta Teranek Endavant-Osan-en egituran posizio esanguratsua du Poliziaren aburuz).
Orotara, 38 militanteren titulartasuna daukaten 50 telefono hartu ditu kontrolpean Espainiako Barne Ministerioak, "terrorismoaren aurkako" borrokaren argudioaz eta Tepol terrorismo delituetarako Polizia judizialaren unitatearen gidaritzapean. Errepresioaren aurkako Alerta Solidària antolakundeko, CUP alderdiko, Endavant antolakundeko, CDRetako eta SEPC Herrrialde Katalanetako Ikasleen Sindikatuko militanteak daude kaltetuen artean. Espioitzaren harira, Poliziak militanteen Gmail, Twitter eta Facebook kontuetara sarbidea izan du, telefono mugikorretako geolokalizazioak jakin ditu, deiak eta SMS mezuak intertzeptatu ditu, eta espioitzarako software batekin kutsatu dizkie telefonoak. Horrez gainera, kaleko jantzitako poliziak ere izan dituzte atzetik militanteek, eta geolokalizaziorako balizak jarri dizkiete autoetan. "Interes poliziala" zeukatela iritzirik, transkribatuak izan dira zelatatutako pertsonek 150 mintzakiderekin izandako solasaldiak (horien artean abokatuak, diputatuak, zinegotziak eta antolakunde ezberdinetako kideak daude).
Berriki argitara emandako espioitza baimendu zuten Espainiako Auzitegi Nazionaleko epaile Diego de Egeak, Carmen Lamelak eta Manuel García Castellónek, eta Miguel Ángel Carballo eta Teresa Sandoval fiskalek. Mariano Rajoy Espainiako presidente zela abiatu zen, baina ez zuen etenik izan haren tokia Pedro Sánchezek hartzean eta Fernando Grande-Marlaska Barne ministro izendatzean. Espioitza, gutxienez, 2019ko lehen hiruhilekora arte egon zen martxan, Directaren arabera.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]