“Herrialde askotan nekazariek zailtasunak dituzte lurrak eskuratzeko, baina ez Palestinan adina”
Arafat Jaradat, Palestinako UAWC nekazari-antolakundeko kidea, La Via Campesinaren VII. Nazioarteko Biltzarrean parte hartzen ari den 500 inguru pertsonetako bat da. Hebronen bizi da, Zisjordanian. Israelen erasoak direla-eta palestinar nekazariek eguneroko lana egiteko dituzten zailtasun izugarrien berri eman nahi du Jaradatek Derion.
Nolakoa da palestinar nekazari baten bizimodua?
Bizitza oso zaila da han Israelen okupazioa dela eta. Dena kontrolatzen dute: ura, lurra… Baita itsasoa ere. Egunero israeldar kolonoek eta soldaduek palestinar nekazariei eraso egiten diete, lurrak konfiskatuz, etxaldeak suntitsuz… Kolonoentzako guneak irabazte aldera betiere.
Palestinako eskualde guztietan da berdin?
Gazan nekazaritza gutxi dago, eta erasoak jasaten dituztenak arrantzaleak dira gehienbat. Ez dute baimenik milia bat baino urrunago aldentzeko itsasertzetik. Egitekotan israeldarrek ontzia suntsitu dezakete, edo zerbait okerrago. Orain dela hogei egun arrantzale bat hil zuten horregatik.
Zisjordanian, berriz, hiru eremu daude: A, B eta C. Israelek C eremu osoa du erabateko kontrolpean, eta hortxe daude nekazaritzarako lur guztiak. Bertako nekazariei lurra, ura eta bestelako baliabideak eskuratzea eragozten zaie. Oso zaila da baldintza horietan ekoiztea. Eta ekoiztu egiten da hala ere: barazkiak, mahatsa, olibak, almendrak…
Norberarentzat edo saltzeko?
Gehiena merkatuetan saltzeko da, zertxobait etxerako. Baina salmenta beti Palestina barruan egin behar da, esportatzeko baimena eskatu behar da eta. Bestalde, Israelek ekonomikoki ere egiten du gerra: merkatua saturatu eta salmenta-prezioak amiltzea eragiten dute. Esaterako, orain gutxi tomateak kiloko bost euroan saltzen ari ziren nekazari palestinarrak; israeldarrek tomatez bete zuten merkatua eta prezioa euro erdira jaitsi zen.
Palestinar asko bizi dira nekazaritzaz?
Bai noski, palestinarra nekazari herria izan da betidanik. Oso laborari onak ditugu, eskarmentu handikoak, eta Ekialde Hurbil osoan ospetsuak. Palestinako janaria oso kalitate handikoa da. Arazo handiena ura da, gure lurraldea idorra baita. Putzuak eta ur biltegiak behar ditugu, baina horiek ere apurtzen dizkigute.
Zer mezu dakarzu La Via Campesinaren Nazioarteko Biltzarrera?
Gure egoeraren berri zabaldu nahi dut, denek ez baitakite Palestinan nola gauden. Nahi genuke La Via Campesinak arreta ematea Palestinako arazoari. Herrialde askotan nekazariek zailtasunak dituzte lurrak eskuratzeko, baina ez gurean adina. Lurra gurea da, baina ezin erabili, okupatuta baikaude. Eta gure gobernua ahulegia da zerbait egiteko. La Via Campesina oso indartsua da, eta lagundu egin diezaguke, elkartasunaemanez. Gainera, Palestina da La Via Campesinan elkarte bat duen Ekialde Hurbileko lehen herrialdea; lagunduko digun itxaropena dugu.
Larunbatean Derioko Nazioarteko Konferentziari amaiera eman eta gero, manifestazioa egin da igandean Bilbon, La Via Campesinak deituta. Moyua plazatik Zazpi Kaleetako Plaza Barrira arteko ibilbidea egin dute ia 2.000 lagunek, eta ondoren bazkaria izan da. Horren aurretik... [+]
Euskal Herriko Deia zabalduz amaitu da La Via Campesinaren VII. Nazioarteko Biltzarra Derion. Lau egunez eztabaidan aritu eta gero, biltzarraren ondorioak biltzen dituen adierazpena aurkeztu dute bi ordu inguruko ekitaldi hunkigarri batean. Mundu osoko 200 milioitik gora... [+]
Argentina iparraldeko Santiago del Estero probintziatik etorri da Deolinda Deo Carrizo La Via Campesinaren Nazioarteko Biltzarrera. Nekazari indigenen eskubideen alde borrokan diharduen MNCI (Nekazari Indigenen Mugimendu Nazionala) taldeko kidea da, baita mugimendu... [+]
La Via Campesinaren Nazioarteko Biltzarraren egitarau osagarriaren barruan, nekazarien eskubideen urraketari buruzko txostena aurkeztu zuten asteazkenean. EAEri dagokion atalaren egileak, Leticia Urretabizkaia EHUko ikerlari eta hezitzaileak, gurekin hitz egin zuen aurkezpena... [+]
“Elkarte txikia gara eta guretzat erronka handia da nazioarteko konferentzia hau antolatzea, baina gure errealitatea ikusarazteko aukera bikaina ere bada”, esan digu Alazne Intxauspe EHNE Bizkaia sindikatuko kideak, La Via Campesinaren VII. Nazioarteko Biltzarra... [+]
Jendez mukuru izan da Derioko apaiztegi zaharreko eliza zena, Biltzarraren inaugurazio ekitaldian. Dantzak, kantuak eta musikak hartu dute lehenbiziko ordua, mezu politikoek bigarrena. Amaieran, azken urteetan La Via Campesinarekin bat egindako elkarte berrien aurkezpena egin... [+]
Pertsonak elikatzeko nekazarien beharra du munduak. Eta modu egoki eta jasangarrian egiteko, edozein ereduk ez du balio. Hala aldarrikatu du Miguel Blancok, Espainiako Estatuko nekazari elkarteen COAG federazioko idazkari nagusi eta hizlari kementsuak, La Via Campesinaren VII... [+]
Derion egin berri den La Via Campesinako V. Emakumeen Biltzarra historikotzat jo du Sandra Moreno Cadena antolatzaileetako batek. Moreno kolonbiarra da jatorriz, baina Espainian bizi da. Andaluziako Langileen Sindikatuko kidea da, eta zehazkiago Landa-eremuko Langileen... [+]
Nekazari gazteen nazioarteko laugarren asanblada izan da La Via Campesinaren VII. Nazioarteko Biltzarraren lehen urratsa. Egun eta erdiko bilkurak emandakoa azaldu digu Paula Gioiak, La Via Campesinaren koordinazio batzordean Europak dituen ordezkarietako batek.
La Via Campesina nekazarien nazioarteko mugimendua Euskal Herrian egiten ari da VII. Nazioarteko Biltzarra, uztailaren 16tik 24ra bitartean. ARGIAk egunero emango du haren berri.
Gaur, hilak 16, "Txikizioa borrokatu, bertako elikadura bultzatu!" goiburu duen Bergara-Derio martxaren hirugarren eta azken etapa burutu da, Larrabetzu eta Derio artean.
La Via Campesina bederatzi eskualde handitan banatuta dago, eta horietako bakoitzak bi ordezkari ditu antolakundearen Nazioarteko Koordinazio Batzordean. Lau urteko honetan Unai Aranguren (Galdakao, 1971) EHNE Bizkaiako kidea da organo horretan Europak dituen ordezkarietako bat... [+]
La Via Campesinak, munduko laborari elkarterik handienak, Euskal Herrian egingo du VII. Nazioarteko Biltzarra. Globalizazioari modu bateratuan aurre egiteko jaio zen antolakundea duela 24 urte; ordutik asko hazi eta sendotu da, politika neoliberalak areagotu diren hein bertsuan... [+]