Herri Unibertsitateak Eskola Kolektiboak jarri ditu martxan, “gaitasun zehatzen ekoizpenerako”
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitateak asteazken honetan “Eskola Kolektiboak” izeneko proiektua aurkeztu du, urriaren 6tik 15era artean Euskal Herriko hainbat txokotan jakintza-arloka sailkatutako lantaldeak biltzea abiapuntu izango duena.
Artearen, zientzia sozialen, kazetaritzaren eta zuzenbidearen diziplinen bueltan elkartuko dira hainbat gazte, “jakintza langile mugimenduaren mesedetan jartzeko”. Taldeen egitekoa zein izango den azaldu dute antolatzaileek: “Bakoitzak berari dagokion jakintza esparrutik dituen gaitasun zehatzekin ekarpena egitea”. Hori ez ezik, mintegien funtzio politikoa ere azpimarratu dute: “Graduan kapitalarentzako lan indarra izateko jasotako formakuntza tresna iraultzaile bilakatu nahi dugu gure jakintzen arabera antolatuz”.
Herri Unibertsitatea
Duela zazpi urte Leioako campusean sortutako ekimenak egun jakin batzuetan eduki politikoen esposizioa egiteko jardunaldien forma izan du orain arte. Ordutik, ehunka ikasle bildu ditu Hego Euskal Herriko hainbat campusetan. Hemendik aurrera, ordea, “bere jatorrizko formaren mugak gainditu eta ekarpen politiko sakonagoa egiteko beharra” nabarmendu dute. Horregatik, “testuinguru politikoari ekarpena egingo dion instituzio” bilakatu nahi dute.
Egitaraua
“Artea eta kulturgintza proletarioa gaur egun”
Urriak 6, 16:00etan, Gasteizko Euskal filologiako fakultate sarreran.
Urriak 7, 11:30ean, Leioako Arte ederretako fakultate sarreran.
“Militantzia komunista eta zientzia sozialak”
Urriak 8, 14:00etan, Leioako Giza Komunikazio Zientzien fakultate sarreran.
“Kazetaritza eta komunikazioaren papera politika sozialistan”
Urriak 6, 17:30ean, Gasteizko Halabedin (Diseinu grafikoa).
Urriak 14, 10:00etan, Leioako Giza Komunikazio Zientzien fakultate sarreran.
“Zuzenbide burgesa eta militantzia politikoa”
Urriak 15, 16:30ean, Sarrikokoko Gradu aretoan.
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]