Herri Unibertsitate nazionala otsailaren 16an eta 17an izango da Leioan
Otsailaren 16an eta 17an izango dira aurtengo jardunaldiak, Leioako campusean. Egitaraua aurkeztu dute jada, hitzaldi, mahai-inguru, mobilizazio eta aisialdi jarduerekin. Roberto Fineschi filosofoa, Ani Perez pedagogoa nahiz Ekida arte ekimen sozialista izango dira aurten, besteak beste, gonbidatuen artean. Eta datorren astean, berriz, Euskal Herriko sei campusetan izango dira tokian tokiko Herri Unibertsitateak. Nafarroako Unibertsitate Publikoan, Iruñean, otsailaren 23tik 25era izango da; gainerakoetan, berriz, 22tik 24ra bitartean.
Euskal Herriko Unibertsitateko Leioako campusean egingo dute 2022ko Herri Unibertsitate nazionala, otsailaren 16tik 17ra bitartean. Aurreko edizioetan bezala, formakuntza eta eztabaida politikoa bultzatzeko helburua jarri diete jardunaldiei antolatzaileek, "langileriaren behar eta intereserako hezkuntza" eraikitzeko bidean.
Askotariko hizlariak izango dira aurtengo Herri Unibertsitate nazionalean ere, esaterako, Nantu Arroyo, Jose Castillo, Ani Perez, Roberto Fineschi, Jose Tapia eta Marcello Musto. Horiez gain, hainbat eragile eta antolakundek hartuko dute parte: Ekida arte ekimen sozialistak, Itaia Emakumeon Antolakunde Sozialistak, Gazte Koordinadora Sozialistak eta Ikasle Abertzaleakek. Café Marxeko kideak ere izango dira gonbidatuen artean.
Bazkaltzeko aukera egongo da bi egunetan, eta kontzertuetarako tartea ere izango da. Otsailaren 17an, gainera, manifestazioa egingo dute 14:00etan, Edukiaren merkantilizazioaren aurrean, hezkuntza sozialista eraiki! lelopean.
Hona aurtengo egitarau osoa:
Lekuan lekuko Herri Unibertsitateak izango dira datorren astean hainbat campusetan
Aste honetan Herri Unibertsitate nazionala egin ostean, datorren astean Euskal Herriko sei campusetan izango dira tokian tokiko Herri Unibertsitateak. Nafarroako Unibertsitate Publikoan, Iruñean, otsailaren 23tik 25era izango da; gainerakoetan, berriz, 22tik 24ra bitartean.
Euskal Herriko Unibertsitateko Ibaetako campusean, Donostian, hizpide izango dituzte Karl Marxen Gothako programari kritika testua, urbanismo kapitalista, Ekonomia Politikoaren Kritika, Euskal Nazio Askapen Mugimenduaren historia, Martxoaren 8a eta errepresio politikoa, besteak beste. Horrez gain, kirol txapelketa bat, kontzertu akustiko bat eta bertso-bazkari bat ere egingo dituzte.
Leioako campusean, aldiz, Marxen Kapitala-ri, arteari, datorren martxoaren 24ko ikasle grebari edota pandemiaren kudeaketari buruzko hitzaldiak egongo dira. Campuseko hainbat borrokatako esperientziak ere jasoko dituzte mahai-inguru batean: hain justu, autoeskolako langileena, garbiketako langileena eta Arte Ederren Fakultateko ikasleena.
Eibarko campusean, bestalde, Covid ziurtagiria, Energia Berdeak deiturikoak, etxebizitzaren auzia eta krisi ekologikoa landuko dituzte. Hilaren 24an, gainera, bertso-bazkari bat izango da.
Gasteizko campusean ere hainbat gai izango dituzte aztergai: euskara eta klase sozialak, immigranteak, espazioen beharra, Euskal Herriko egoera politikoa, eta abar. Ekitaldi politiko bat eta bazkari bat ere egingo dituzte.
Bilbori dagokionez, hiru gunetan izango da Herri Unibertsitatea: Sarrikon, San Mamesen eta Deuston. Ukrainako gatazka, 1970eko ezker erradikala, Parisko Komuna eta Martxoaren 8a landuko dituzte, besteak beste.
Azkenik, Nafarroako Unibertsitate Publikoko Herri Unibertsitatean, euskarazko kultur ekoizpenari, lan erreformari, etxeko lanei edota egungo koiuntura politikoari buruzko hitzaldiak egongo dira.
Gedar kazetan irakur daitezke egitarauak osorik.
Asteazkenean izan da aurtengo Herri Unibertsitate nazionalaren aurreneko eguna, Leioako campusean. Ostegunerako ere prestatu dituzte hitzaldi, mahai-inguru eta aisialdirako jarduerak.
Aurten ere, "zailtasunak zailtasun", Herri Unibertsitate nazionala izango dela baieztatu du ikasle mugimenduak. Bi egunetarako egitaraua aurkeztu dute jada, hitzaldi, mahai-inguru zein kultur jarduerekin. Gonbidatuen artean izango dira, besteak beste, Ekida kultur... [+]
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitatea antolatuko dute otsailaren 17, 18 eta 19 bitartean Gasteizko unibertsitateko ikasleek, aktualitatearen hausnarketa kritikoa burutu eta eztabaidak irekitzeko helburuarekin.
Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.
EHUko Leioako Campusean egingo dute aurtengo Euskal Herriko Unibertsitate nazionala hilaren 27 eta 28an. Hilaren 19, 20 eta 21ean, halaber, Herri Unibertsitatearen ekimenak egingo dira Bilbon, Leioan, Gasteizen, Donostiako Ibaetan eta NUPen. Ondorengo lerroetan dago Herri... [+]
Donostiako Ibaetako Campusean egiten ari dira aurten Euskal Herriko Herri Nunibertsitate Nazionala. Asteazkenean izan ziren lehen hitzaldi eta blokeak eta ostegunean bigarren egunez jardungo dira "gaur egungo hezkuntza sistemarekin amaitu eta guretzat baliagarri izango den... [+]
"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate... [+]
Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea... [+]
Herri Unibertsitatearen edizio berri bati ekin diote Leioako campuseko ikasleek, herritik herriarentzat sortutako hezkuntza eredua bultzatzea helburu. Hiru egunez, tailer, hitzaldi eta eztabaida aberasgarri ugari antolatu dituzte.
EHUko errektore Nekane Balluerkak adierazi duenez, asteazken gauean San Mamesen Herri Unibertsitatea babesteko asmoz teilatuan eutsi genion 203 ikasleon aurka salaketa aurkeztuko du. Komunikabide gehienek, beste behin ere, arreta eskaini diote hondatutako bi vending makina eta... [+]